بۇگىن الماتى وبلىسىنىڭ اكىمى اماندىق باتالوۆ تالدىقورعانداعى «يمان» مەشىتىنە بارىپ، جەرلەستەرىن قۇربان ايتپەن قۇتتىقتادى.
قۇتتىقتاۋ سوزىندە ءوڭىر باسشىسى ءار ۇيگە، ءار وتباسىعا بەيبىتشىلىك، ساتتىلىك، كەلىسىم مەن باقىت تىلەدى.
«قۇربان ايتپەن شىن جۇرەكتەن قۇتتىقتايمىن. بۇل كۇن كۇللى الەم مۇسىلماندارى ءۇشىن ۇلى مەرەكە! بۇل كۇنى ادامدار اراسىندا ءوزارا تۇسىنىستىك، ءوزارا سىيلاستىق قالىپتاسادى، تىلەكتەرى، ويلارى ءبىر ارناعا توعىسادى»، - دەدى باتالوۆ. - بۇل قاسيەتتى كۇندەرى بارلىعىڭىزعا مىقتى دەنساۋلىق، باقىت، ماحاببات، بىرلىك، جاڭا كاسىبي جەتىستىكتەر تىلەيمىن!».
ءوڭىر باسشىسى اتاپ وتكەندەي، قازاقستان تۇرعىندارى ەلدە بەيبىتشىلىك پەن تۇراقتىلىق بولعانىن قالايدى. «قازاقستان قوعامىنىڭ نەگىزگى قۇندىلىعى - ۇلىسارالىق جانە كونفەسسياارالىق كەلىسىمدى ساقتاۋىمىز قاجەت»، - دەپ ءسوزىن تۇيىندەدى ول.
وبلىس اكىمى ايت نامازىنا قاتىسىپ، قۇربان شالدى.
