الەمنىڭ جارىعىن سىيلاعان انالارعا دەگەن قۇرمەت ءارقاشاندا جوعارى. تەك بالالارىنىڭ الدىندا عانا ەمەس، مەملەكەت الدىندا دا ۇلكەن ەڭبەك ءسىڭىرىپ، ەل الدىندا ابىرويلارىن اسىرعان التىن قۇرساقتى انالاردى تالدىقورعان قالاسىنىڭ اكىمى باعدات قاراسايەۆ قابىلداپ، «التىن القا» جانە «كۇمىس القا» يەگەرلەرى اتانعان اياۋلى جانداردى قۇتتىقتادى.
قالا اكىمدىگىنىڭ ۇلكەن زالىندا بىلدىرلاعان بالالاردىڭ ءۇنى ەرەكشە ەسءتىلدى. بارلىعى دا بالداي ءتاتتى قىلىقتارىمەن، ءسۇيكىمدىلىگىمەن ادام تارتادى.
– بالا – باۋىر ەتىڭ، ءومىردەگى ەڭ باستى باقىتىڭ. بالا – ءومىرىڭنىڭ جالعاسى. سوندىقتان دا بارلىقتارىڭىزعا دەنساۋلىق، باقىت، بەرەكە-بىرلىك، وتباسىلارىڭىزعا اماندىق تىلەيمىن. ءقازىرگى تاڭدا بالانى دۇرىس تاربيەلەۋ ەڭ ءبىرىنشى ءمىندەت. مۇنى ءسىزدەر وتە جاقسى بىلەسىزدەر دەپ ويلايمىن. ماڭگىلىك ەلدىڭ ۇرپاقتارى ەرتەڭگى ەلىمىزءدىڭ ءۇمىءتىن اقتايتىن ازاماتتار بولسىن دەپ ءتىلەيءمىن. ءسىزدەردى ماراپاتتاۋ مەن ءۇشىن ۇلكەن قۇرمەت. ماراپاتتارىڭىز قۇتتى بولسىن، – دەدى ءوزىءنىڭ قۇتتىقتاۋ ءسوزىندە قالا اكىمى باعدات قاراسايەۆ.
ومىردەگى ەڭ ۇلكەن ەرلىكتى ءبىر وزدەرى اتقارىپ، بالا-شاعاسىنىڭ ورتاسىندا بال-بۇل جانعان قۋانىشتى ءساتتىڭ باستى كەيىپكەرلەرى التىننان، كۇمىستەن القا تاعىندى. ولارعا قالا باسشىسى ءوز قولىمەن سىي-سياپاتىن ۇسىنىپ، ارداقتى جانداردى ماراپاتىمەن شىن ءجۇرەكتەن قۇتتىقتادى.
