قازاقستاندا ۆيچ – ينفەكسياسىن جۇقتىرعان مەديسينالىق قىزمەتكەرلەر سانى 4،4 ەسەگە وسكەن، -دەپ حابارلايدى Qamshy.kz  365info.kz -كە سىلتەمە جاساپ. 

رەسپۋبليكالىق سپيد-پەن كۇرەس جانە پروفيلاكتيكا ورتالىعىنىڭ بۇل ادام شوشىرلىق مالىمەتى كوپ جەردە جاريالانباعان.  

2016 جىلدىڭ 6 ايىندا رەسپۋبليكا بويىنشا مەديسينالىق مەكەمەلەردىڭ 51 قىزمەتكەرىنىڭ ۆيچ دەرتىن جۇقتىرعانى انىقتالدى. ولاردىڭ جيىرما ەكىسى - مەديسينالىق قىزمەتكەرلەر، ياعني دارىگەرلەر،  مەيىربيكەلەر، لابورانتتار. قالعاندارى قىزمەت كورسەتەتىن جۇمىسكەرلەر.  ينفەكسيا كوزى تەك 27 ورىندا انىقتالعان.  قالعاندارى جايلى ەشقانداي مالىمەت جوق.

 ايەلدەر كەڭەسىندەگى ۆيچ

ءقاۋىپتى ۆيرۋس جۇقتىرعان، ەمدەلۋشىلەردىڭ تىكەلەي دەنە مۇشەلەرىن قاراپ، ناۋقاستارمەن تىكەلەي جۇمىس ىستەيتىن 22 مەديسينالىق قىزمەتكەرگە توقتالساق.

ۆيچ-ينفەكسياسىن جۇقتىرعان ولاردىڭ سانى سان 4،4 ەسەگە، 2015 جىلدىڭ ءبىرىنشى جارتى جىلدىعىمەن سالىستىرعاندا 5 -تەن 22-گە دەيىن وسكەن.

تەك، اقمولا، اقتوبە، ماڭعىستاۋ جانە سولتۇستىك قازاقستان وبلىستارىندا عانا مەديسينالىق قىزمەتكەرلەردىڭ ۆيچ-ينفەكسياسىن جۇقتىرۋ وقيعالارى تىركەلمەگەن.

رەسپۋبليكا بويىنشا ۆيچ-ينفەكسياسىن جۇقتىرعان 22 مەديسينا قىزمەتكەرىنىڭ 10-ى الماتىعا تيەسىلى. دەرتتى جۇقتىرعاننىڭ ءبارى دە ايەلدەر، ولاردىڭ ەكەۋى ايەلدەر كەڭەسىندە جۇمىس ىستەسە، ەكەۋى—ەمحانادا، بىرەۋى — ستاسيوناردا جانە ۇشەۋى —الماتى قالالىق "سپيد" ورتالىعىندا جۇمىس ىستەگەن.  

ۆيچ جۇقتىرعان الماتىلىق اق حالاتتىلاردىڭ بىرەۋى دارىگەر، قالعان 9-ى ورتا ءبىلىمدى مەديسينالىق قىزمەتكەرلەر، ياعن،ي مەدبيكەلەر مەن لابورانتتار. ولاردىڭ 8ء-نىڭ جاسى 40-قا تولماعان.

ايتىلعان 10 ادام دا ينفەكسيانى جىنىستىق جولمەن جۇقتىرعان، دەگەنمەن بۇل مالىمەتتى بەرگەن دەرەكوزدەردىڭ كۇمانى بار. ويتكەنى، ولاردىڭ كەم دەگەندە التاۋى ءار ۋاقىتتا وتا جانە ەكپە تۇرىندە مەديسينالىق كومەك العانى بەلگىلى بولىپ وتىر.

ال، قاراعاندى، پاۆلودار جانە وڭتۇستىك قازاقستان وبلىستارىنداعى ۆيچ- ينفەكسياسىن جۇقتىرعان مەدبيكەلەردىڭ «كوممەرسيالىق» توسەكتەستەرى بار ەكەنى انىقتالعان. ينفەكسيا جۇقتىرعان قالعان ءتورت قىزمەتكەر ەگىلۋ جولىمەن ەسىرتكى قابىلدايتىن كورىنەدى.

مەدبيكەلەردىڭ قۇپيا ءومىرى

دارىگەرلەردىڭ بۇل دەرتتى جۇقتىرۋ جولدارى ادام ايتسا سەنگىسىز. مىسالعا، الماتىلىق  "ناۋقاستاردىڭ" ءبىرى 2016 جىلى ۆيچ-كە تەكسەرىستەن وتكەن، ناتيجەسى تازا شىققان. ونىڭ توسەكتەسىنەن دە ينفەكسيا تابىلماعان. دەگەنمەن، ءساۋىر ايىندا وعان وتا جاسالعان. سودان كەيىن ۆيچ پايدا بولعان. قايدان جۇققانى — انىقتالمادى.

باسقا ينفەكسيا جۇقتىرعان مەدبيكەنىڭ ءبىرى قاتارىنان ەكى اداممەن توسەك قاتىناسىندا بولىپ جۇرگەن، ولاردىڭ بىرەۋى ءالى تەكسەرىستەن وتپەگەن. ونىڭ ۇستىنە، 2014 جىلى ول ايەل  قاپشاعاي مەن الماتىنىڭ اۋرۋحانالارىندا ەم العان. ونىڭ بۇل دەرتتى قايدان جۇقتىرىپ العانى انىقتالماعان.

تاعى دا ءبىر دەرتتى  مەدبيكەنىڭ توسەكتەگى سەرىگى ۆيچ-دەرتىمەن اۋىرماعان، ءبىراق بىرنەشە جىل بۇرىن الماتى ورتالىق قالالىق ەمحانادا ەم العان.

استاناداعى ۆيچ- ينفەكسياسىن جۇقتىرعان مەدبيكە ەكى بالانىڭ اناسى، 2 جىل بۇرىن جەزوكشەلىكپەن اينالىسقان كورىنەدى.  تاعى ءبىر ەلوردالىق مەدبيكە سوڭعى رەت ۆيچ-كە 2010 جىلى تەكسەرىلگەن.  

ال، وڭتۇستىك قازاقستان وبلىسىنداعى ۆيچ جۇقتىرعان اق حالاتتىنىڭ ءبىرى اكۋشەر بولىپ شىققان.

ساپ-ساۋ بولىپ كىرەسىڭ، سپيد جۇقتىرىپ شىعاسىڭ 

 ەپيدتەكسەرىس بارىسىندا رەسپۋبليكالىق "سپيد" ورتالىعىنىڭ قىزمەتكەرلەرى مىنانداي شەشىمگە كەلگەن — ينفەكسيا جۇقتىرعان مەدبيكەلەردىڭ بارلىعى  دا ءوز كىنالارىنان جۇقتىرعان.

ولاردىڭ 40% -ى بەلگىسىز ادامدارمەن توسەك قاتىناسىنا تۇسسە، تورتەۋى جەزوكشەلىكپەن اينالىسقان، ال 15ء-ى ۆيچ-ينفەكسياسىن جۇقتىرعاندارمەن جانە ناشاقورلارمەن جىنىستىق قاتىناسقا تۇسكەن. ال، ءۇش مەديسينالىق قىزمەتكەردىڭ بۇرىندارى جازاسىن وتەۋ ورىندارىندا بولعانى انىقتالدى.  استانا، باتىس قازاقستان، قاراعاندى جانە قوستاناي وبلىستارىنىڭ ءتورت قىزمەتكەرى بۇل ينفەكسيانى گوموسەكسۋالدى جىنىستىق قاتىناس كەزىندە جۇقتىرعان.  

ءبىر تاڭقالارلىعى 2016 جىلى ۆيچ –جۇقتىردى دەلىنگەن مەديسينالىق قىزمەتكەرلەردىڭ 43%-ى بۇرىن ۆيچ-ينفەكسياسىنا تەكسەرىلمەگەن. ۆيچ-ينفەكسياسىن جۇقتىرعان مەدبيكەلەردىڭ كەم دەگەندە  ۇشەۋى  بۇل جايلى  وتە كەش بىلگەن، سالدارىنان دەرت  3-كلينيكالىق دەڭگەيگە جەتكەن.