يركۋتسك وبلىسى بودايبو قالاسىندا ءجاسوسپىرىم سەلفي جاساۋ ءۇشىن ەلەكتر جەلىسىنە كوتەرىلگەن ، ءبىراق ءوزىن-وزى ۇستاپ تۇرا الماي تومەنگە قۇلاعان.
ونى توق ۇرىپ اۋرۋحاناعا ءتۇستى،- دەپ حابارلايدى Qamshy.kz قازاقپاراتقا سىلتەمە جاساپ.
19 قىركۇيەك كۇنى كەشكى ۋاقىتتا جەرگىلىكتى پوليسيا بولىمشەسىنە بودايبو قالاسىنىڭ ورتالىق اۋداندىق اۋرۋحاناسىنىڭ قىزمەتكەرلەرى حابارلاسقان. ولار مەكەمەگە «ەلەكتر جاراقاتى» دياگنوزىمەن 15 جاسار ءجاسوسپىرىمنىڭ تۇسكەنىن حابارلاعان.
كامەلەتتىك جاسقا تولماعاندار ءىسى بويىنشا ينسپەكتور توعىزىنشى سىنىپ وقۋشىسىنىڭ بيىكتىگى شامامەن 20 مەتر بولاتىن ەلەكتر باعاناسىنا كوتەرىلىپ، فوتوعا تۇسپەك بولعانىن انىقتادى. تەپە-تەڭدىكتى ساقتاي الماي تومەنگە قۇلاعان وقۋشى ەلەكتر سىمىنا جارماسقان.
