ەلوردا دا وتكەن حالىقارالىق تۋريستىك فورۋمدا «استانا ەكسپو – 2017» ۇلتتىق كومپانياسى» اق تۋريزم دەپارتامەنتىنىڭ ديرەكتورى الەن ءشايجۇنىسوۆ 4-11 قىركۇيەك ارالىعىندا قازاقستان بويىنشا ۇيىمداستىرىلعان اقپاراتتىق تۋرلارعا قاتىستى مالىمدەمە جاسادى، - دەپ حابارلايدى Qamshy.kz aikyn.kz - كە سىلتەمە جاساپ.
– وسىعان دەيىن بولعان اقپاراتتىق تۋرلاردا شەت مەملەكەتتەردىڭ 100-دەن استام تۋروپەراتورلارى ەل وڭىرلەرىن ارالاپ، ەڭ باستى ماقتانىشتارىمىزبەن تانىستى. ولار حالىقارالىق كورمە كەزىندە تۋريستەر مىندەتتى تۇردە باراتىن، الدىن الا تىزىمگە ەنگىزىلگەن 73 جەردى كوزبەن كوردى.
اقپاراتتىق تۋرلار 5 باعىت بويىنشا جۇرگىزىلدى. ءىس بارىسىندا رەسەي، جۇڭگو مەملەكەتتەرىنىڭ سونداي-اق ەۋروپا مەن تمد ەلدەرىنىڭ ءىرى تۋريستىك كومپانيالارى استانانى، ۇلتتىق پاركتەردى، تاريحي-مادەني ورىنداردى ارالاپ، «بايقوڭىر» عارىش ايلاعىندا بولدى. بۇعان قوسا ولار جىبەك جولى باعىتى، باتىس جانە شىعىس قازاقستان، سونىمەن قاتار جەتىسۋ ايماقتارىنىڭ ەڭ كورىكتى جەرلەرىن تاماشالادى. بۇدان بىلاي شەتەلدىڭ ءىرى تۋروپەراتورلارى «ەكسپو – 2017» كورمەسىنە تۋريستەردى تارتۋ كەزىندە قينالمايدى دەپ سەنىممەن ايتۋعا بولادى.
بۇگىنگى فورۋم اقپاراتتىق تۋرلاردىڭ ناتيجەسىن جاريالاۋ جانە قازاقستاننىڭ تۋريستىك الەۋەتى مەن «استانا ەكسپو» جوباسىن تانىستىرۋ ماقساتىندا جۇزەگە اسىرىلىپ وتىر، – دەدى ول فورۋمدا.
ءسوز اراسىندا دەپارتامەنت ديرەكتورى حالىقارالىق كورمە كەزىندە «روسس تۋر»، CITS AlessandroRosso Group، Monaco Ukraine Group سىندا كومپانيالار جاۋاپكەرشىلىك جۇگىن ابىرويمەن ارقالاپ، تۋريستەرگە ءمىنسىز قىزمەت كورسەتەتىنىنە سەنىم ءبىلدىردى.
– بۇل سوڭعى اقپاراتتىق تۋر ەمەس. كورمە باستالعانعا دەيىن مۇنداي تۋرلار ءجيى وتكىزىلەدى. بۇگىن «استانا ەكسپو – 2017» كورمەسىنىڭ 74 مىڭ بيلەتىن ساتىپ الۋ بويىنشا 5 ءىرى كەلىسىمشارت جاسالدى. بيلەتتەر تۋروپەراتورلاردىڭ تۋرپاكەتتەرىنە ەنگىزىلەدى، – دەدى ا.ءشايجۇنىسوۆ.
ونىڭ ايتۋىنشا، «استانا ەكسپو – 2017» ۇلتتىق كومپانياسى» اق قازاقستاننىڭ تانىمالدىعىن ارتتىرۋ باعىتىنداعى جۇمىستارىن جانداندىرىپ جاتىر.
– ءبىزدىڭ اينالامىز ۇلكەن نارىقپەن قورشالعان. ولاردىڭ بارلىعىن قامتۋ ءۇشىن قوسىمشا اۆياباعىتتار اشۋ قاجەت. ءقازىر وسى ماقساتتا ناقتى جۇمىستار اتقارىلىپ جا-تىر. كورمە وتكىزگەننەن كەيىن كورەياعا كەلۋءشىلەردىڭ سانى – 9،5، قىتايدى كورگىسى كەلەتىندەردىڭ كورسەتكىشى – 27،5 ال ميلاندا بولعىسى كەلەتىندەردىڭ سانى – 4،5 پايىزعا وسكەن. سوڭعى 5 جىلدا تۋريزم نارىعى جىلىنا 50 ميلليون ادامعا كوبەيدى. بىزگە وسىنى پايدالانىپ قالۋ مۇمكىندىگى تۋىپ تۇر.
ۇلتتىق كومپانيا «ەكسپو – 2017» كورمەسىن بارىنشا ناسيحاتتاۋ ءۇشىن الەۋمەتتىك جەلىلەر مەن باق-تى، ساراپشىلار مەن بلوگەرلەردى جۇمىلدىرىپ جاتىر. ارالىق ەسەپ بويىنشا، كۇنى بۇگىنگە دەيىن شەتەلدىك باق- تا 3 مىڭنان استام اقپاراتتىق ماتەريال جارىق كوردى. ءبىز Discovery تەلەارناسىمەن بىرلەسكەن جوبانى جۇزەگە اسىرىپ جاتىرمىز. وسىنىڭ بارلىعى قازاقستاندى الەمدەگى ءباسەكەگە قابىلەتتى مەملەكەتتەردىڭ قاتارىنا قوسۋ ءۇشىن جاسالىپ جاتىر، – دەدى دەپارتامەنت ديرەكتورى.
بەلگىلى بولعانداي، ءبىر اپتاعا سوزىلعان اقپاراتتىق تۋر كەزىندە شىمكەنتتە بولعان يتاليالىق تۋروپەراتور كيىز ۇيدە قونىپتى. بۇل تۋرالى ول جۋرناليستەرگە بەرگەن سۇحباتىندا: «اشىق اسپان استىندا جاتقان ەمەسپىن. ەشقاشان ۇيىقتاردىڭ الدىندا جۇزدەگەن جۇلدىزداردى كورگەن جوقپىن. مۇنى ۇمىتپايمىن!» دەدى. ءوز كەزەگىندە KazakhstanTours نيدەرلاندىق تۋروپەراتورىنىڭ ديرەكتورى ادريانۋس ماتەۋس نيكولاس باعالاي بىلگەن ادامعا ساياحات ءۇشىن قازاقستاننان اسقان جەر جوق ەكەنىن اتاپ كورسەتىپ، بىرنەشە جىلدان بەرى نيدەرلاندىق تۋريستەردى قازاقستانعا اكەلىپ ءجۇرگەنىن جەتكىزدى.
– قازاقستان شەتەلدىكتەر ءۇشىن اشىلماعان ارال سەكىلدى تاڭسىق جەر. ونىڭ قۇپياسى مەن قىزىعى كوپ. ءبىزدىڭ ازاماتتار سىزدەردىڭ ەلدەرىڭىزگە قاتتى قىزىعادى، كوپ ادام مۇندا كەلگىسى كەلەدى. ولاردىڭ ارماندارى كەلەسى جىلى اقيقاتقا اينالادى دەپ ويلايمىن، – دەدى شەتەلدىك تۋروپەراتوردىڭ باسشىسى.
ونىڭ سوزىنشە، نيدەرلاندىق تۋريستەرءدىڭ باسىم بولىگى ورتاشا تابىس تاباتىن ادامدار. سوندىقتان ولار قىمبات قوناقۇيلەردى ەمەس، تابيعات اياسىن نەمەسە قولجەتىمدى باعاداعى حوستەلدەردى تاڭدايدى.
– مەنىڭشە، قازاقستانعا ءبىزدىڭ ەلدەن كەلگەن ادامدار ەكوتۋريزمگە ەرەكشە نازار اۋدارادى. ءقازىر كەلىپ جۇرگەن تۋريستەردىڭ باسىم بولىگىنە اقتاۋ مەن اتىراۋ قالالارى، الماتى وبلىسىنىڭ ادەمى لاندشافتارى جانە «بايقوڭىر» عارىش ايلاعى قاتتى ۇنايدى. كەلەسى جىلى حالىقارالىق كورمە وتەتىنىن بىلگەننەن كەيىن استاناعا اڭسارى اۋىپ جاتقانداردىڭ دا سانى ۇلعايىپ كەلەدى. شىمكەنت پەن تارازعا ساپارلاعىسى كەلەتىندەردىڭ دە قاراسى از ەمەس. دەگەنمەن سىزدەرگە تۋريزم سالاسىن مىقتاپ قولعا الۋ كەرەك. سەبەبى كەيبىر ايماقتا كوزگە وعاش كورىنەتىن كەمشىلىكتەر بار. مىسالى، ماڭعىستاۋ مەن التايدىڭ ينفراقۇرىلىمىن دۇرىستاۋ قاجەت، – دەدى ادريانۋس ماتەۋس نيكولاس .
تۋروپەراتورلاردىڭ ۇسىنىستارى مەن تىلەكتەرىن مۇقيات تىڭداعان ينۆەستيسيا جانە دامۋ مينيسترلىگى يندۋستريا جانە تۋريزم دەپارتامەنتى ديرەكتورىنىڭ ءمىندەتىن اتقارۋشى قايرات ءسادۋاقاسوۆ وتان-دىق تۋروپەراتورلارعا تۇتىنۋشىلاردىڭ سۇرانىسىن قاناعاتتاندىرۋ تۋرالى تاپسىرما بەردى.
– ەۋروپا تۋريستەرىن كيىز ۇيدە قارسى الۋدى نازاردا ۇستاۋ كەرەك. ولاردىڭ جەرگىلىكتى حالىقپەن قارىم-قاتىناس جاساۋىن دا ويلاستىرعان ءجون. وتاندىق تۋروپەراتورلار ەۋروپالىقتارعا ارنالعان اس ءمازىرىن قالىپتاستىرسا دۇرىس بولادى، – دەدى مينيسترلىك وكىلى.
ءوز كەزەگىندە پىكىر بىلدىرگەن ءۇندى تۋروپەراتورىنىڭ وكىلى رادج مىرزا قازاقستاندى ورتا ازياداعى ەكىنشى شۆەيسارياعا تەڭەپ، قازاقستاندىقتار جەر جانناتىندا ءومىر ءسۇرىپ جاتىر دەپ سانايتىنىن ءسوز ەتتى.
– ءبىز نەگىزىنەن الماتىعا رەيس ۇيىمداستىرامىز. بۇل قالانىڭ ادامدارى وتە قوناقجاي جانە مەيىرىمدى. بيىلدان باستاپ جۇمىس كولەمى ۇلعايدى. كەلەسى جىلى قازىرگىدەن دە جاقسى بولادى دەپ ۇمىتتەنەمىز، – دەدى شەتەلدىك ازامات. ال رەسەيلىك «تري كيتا» تۋروپەراتورىنىڭ باس ديرەكتورى تولەگەن بەكماعانبەتوۆ 1997 جىلدان بەرى ەلىمىزدىڭ شيپاجايلارىنا رەسەيلىكتەردىڭ كەلۋىن ۇيىمداستىرىپ جۇرگەنىن تىلگە تيەك ەتتى.
– ومبى، قورعان، ەكاتەرينبۋرگ قالالارىنىڭ تۇرعىندارى قازاقستانعا ءجيى كەلەدى. «ەكسپو – 2017» قازاقستاننىڭ تۋريزمىنە قارقىن بەرەدى دەپ ويلايمىن. وسىلاي بولسا، بىزدە تابىس كورەمىز، – دەدى ول.
ايتا كەتەيىك، الدىن الا جاسالعان بولجام بويىنشا، «ەكسپو – 2017» حالىقارالىق كورمەسىنىڭ ەڭ ارزان تۋريستىك پاكەتى 40 مىڭ تەڭگە، ال ەڭ قىمباتى 125 مىڭ تەڭگە بولادى. سوڭعىسىنا 3 كۇندىك تۋر، جاتىن ورىن، تاماقتانۋ، ترانسفەرت، گيد قىزمەتى جانە «ەكسپونى» ارالاۋ كىرەدى.
زەرتتەۋ بويىنشا، 2017 جىلى قازاقستانعا 500 مىڭ شەتەلدىك ازامات كەلەدى. ولاردىڭ ءارقايسىسى ءبىزدىڭ ەلدە شاماما-مەن، 1 مىڭ اقش دوللارىن قالدىرادى.
بيىلعى جىلدىڭ 10-ماۋسىمىنان باستاپ حالىقارالىق كورمەنىڭ بيلەتتەرى ونلاين ساتىلىپ جاتىر. بۇل كەز كەلگەن قازاقستاندىق كورمەنى تاماشالاۋ قۇقىعىنا يە بولىپ وتىر دەگەن ءسوز. بۇگىنگى تاڭدا ەڭ ارزان بيلەتتىڭ قۇنى – 2 مىڭ تەڭگە.
10-ماۋسىم مەن 10-قىركۇيەك ارالىعىندا وتەتىن حالىقارالىق كورمە كەزىندە ەلىمىزدە تاقىرىپتىق جانە مادەني-ساۋىقتىق 4 مىڭ ءىس-شارا ۇيىمداستىرىلادى. ءقازىردىڭ وزىندە كورمەگە 100-دەن استام مەملەكەت قاتىساتىندىعىن رەسمي راستاپ وتىر.
