«استانا ەكسپو – 2017» ۇلتتىق كومپانياسى» اق باسقارما ءتوراعاسى ا.ەسىموۆ، حالىقارالىق كورمە بيۋروسىنىڭ باس حاتشىسى ۆ.لوسسەرتالەس، ق ر ەنەرگەتيكا ءمينيسترى ق.بوزىمبايەۆ ەلوردادا وتكەن «بولاشاق ەنەرگياسى» فورۋمىندا بايانداما جاسادى، - دەپ حابارلايدى Qamshy.kz aikyn.kz - كە سىلتەمە جاساپ.

فورۋمدى «نازاربايەۆ ۋني­ۆەر­­سيتەتى» ابۇ پرەزيدەنتى ش.كات­سۋ جۇرگىزدى. ول حالىقارالىق جيىن وسىمەن ءۇشىنشى رەت ۇيىمداستى­رىلىپ وتىرعانىن اتاپ كورسەتىپ: «بۇل باسقوسۋ پىكىر الماسۋدى، ءتا­ءجى­ريبە ءبولىسۋدى جانە ناقتى ۇسى­نىس جاساۋدى كوزدەيدى. بولا­شاقتاعى قيىندىقتاردى قالاي ەڭسەرەتىندىگىمىز دە وسى جەردە تال­قىلانادى»، – دەدى. 

ش.كاتسۋدىڭ سوزىنشە، ءقازىر دۇنيەجۇزى بالامالى قۋات كوز­دەرىن يگىلىككە اينالدىرۋ باعى­تىندا ءتۇرلى تاجىريبەلەر مەن ىزدەنىستەرگە قادام جاساپ جاتىر. وسى ارقىلى كۇن، جەل، سۋ سياقتى تابيعي قۋات كوزدەرىن پايداعا جاراتۋدا. 

«ءبىز تابيعي قۋات كوزدەرى جال­پىعا ورتاق ەنەرگياعا بالاما بو­لۋى ءتيىس دەگەن ۇستانىمدى قول­­دايمىز. سەبەبى، جاساندى ەنەر­گيا سارقىلادى، ال تابيعي قۋات كوزى ەشقاشان تاۋسىلمايدى جانە قورشاعان ورتاعا كەرى اسە­ءرىن تيگىز­بەيدى»، – دەدى «نازاربايەۆ ۋنيۆەر­سيتەتى» ابۇ پرەزيدەنتى. 

بۇدان كەيىن مىنبەرگە «استانا ەكسپو – 2017» ۇلتتىق كومپا­نيا­سى» اق باسقارما ءتوراعاسى ا.ەسىموۆ كوتەرىلدى. ول كۇنى ءبۇ­گىنگە دەيىن اتقارىلعان شارا­لارعا شولۋ جاساپ، حالىقارالىق كورمە كەشەنى عيماراتتارىنىڭ قۇرىلىسى قارقىندى ءجۇرىپ جات­قانىن، كورمە بيلەتتەرىنىڭ سا­تى­­لىمعا شىعارىلعانىن، «اس­تانا ەكسپو – 2017» كورمەسىنىڭ 74 مىڭ بيلەتىن ساتىپ الۋ بويىن­شا 5 ءىرى كەلىسىمشارت جاسالعانىن، 4-11 قىركۇيەك ارالىعىندا قا­زاق­ستان بويىنشا شەت مەملە­كەتتىڭ 100-دەن استام تۋروپەرا­تورىنا اقپاراتتىق تۋر ۇيىمداس­تىرىل­عانىن، شەتەلدىك تۋريس­تەردى قى­زىقتىرۋ ءۇشىن حا­لىقارا­لىق كورمە كەزىندە تاقىرىپتىق جانە ءما­دەني-ساۋىقتىق 4 مىڭ ءىس-شارا ءوت­كىزىلەتىنىن جانە كورمە كەزىندە ەنتوتۋريزمگە باسىمدىق بەرىلە­ءتىنىن باياندادى. ءسوز اراسىندا ا.ەسىموۆ «ەكسپو – 2017» كور­مەسىنە قاتىسۋعا نيەت بىلدىرگەن مەم­لەكەتتەردىڭ سانى جوسپار­لانعاننان اسىپ كەتكەنىن اتاپ كورسەتتى. 

«ەكسپو – 2017» xا­لىقارا­لىق مامانداندىرىلعان كورمە­ءسىنىڭ قۇرىلىسىنا كەلەتىن بول­ساق، ول مەرزىمگە ساي جۇرگىزىلۋدە. قازىرگى ۋاقىتتا قۇرىلىستىڭ 85 پايىزى اياقتالدى. قۇرىلىس جۇمىستارىنا 13 700 ادام مەن 560 تەxنيكا جۇ­مىل­دىرىلعان. ءبىزدىڭ كورمەگە الەم قاۋىمداس­تىعى قاتتى قى­زىعىپ جاتىر. قا­زىرگە دەيىن 103 مەم­لەكەت پەن 17 xالىقارالىق ۇيىم كورمەگە قاتىساتىن­دىقتا­رىن راستاپ ءۇل­گەردى»، – دەدى ول. 

باسقارما ءتوراعاسىنىڭ بايان­داۋىنشا، ەكسپو كورمەسىنىڭ تا­نى­مالدىلىعىن ارتتىرۋ ماق­ساتىنداعى xالىقارالىق شارا­لاردى ناسيحاتتاۋعا الەمدىك كا­ءسىپورىنداردىڭ ءىرى الاڭدارى مەن الەمدىك ب ا ق تارتىلۋدا.

«ماسس-مەديا بويىنشا اۋدي­توريانى قامتۋ 221 ملن ادامدى قۇرادى. جىل سوڭىنا دەيىن بۇل كورسەتكىشتى 500 ملن ادامعا جەت­كىزۋدى جوسپارلاپ وتىرمىز»، – دەدى ا.ەسىموۆ.

ءوز كەزەگىندە حالىقارالىق كورمە بيۋروسىنىڭ باس حاتشىسى ۆ.لوسسەرتالەس قازاقستاننىڭ «ەكسپو – 2017» كورمەسىن جوعا­رى دارەجەدە وتكىزۋگە دەگەن تال­پىنىسى مەن قۇلشىنىسى كوڭىل­گە قۋانىش ۇيالاتاتىنىن تىلگە تيەك ەتتى. 

«ماعان سىزدەردىڭ ساپاعا با­سىمدىق بەرىپ جاتقاندىقتا­رىڭىز قاتتى اسەر ەتىپ جاتىر. مەن بۇعان كورمە كەشەنىن ءبىر­نەشە رەت ارا­لاپ كورگەن كەزدە كوز جەتكىزدىم. قۇرىلىس جۇمىستارى جوعارى قار­قىنمەن اتقارىلۋدا. 

25 جىلدىق قىزمەتىمدە نى­سان­­دار قۇرىلىسىنىڭ جەدەل ءجۇر­­گىزىلىپ، ءوز دەڭگەيىندە وتكىزىل­گەنىن العاش كورىپ وتىرعانىمدى جا­سىر­مايمىن. الداعى «ەكسپو – 2017» كورمەسىنىڭ جەمىستى وتە­تىنىنە سەنىم مول»، – دەدى حا­لىقارالىق كورمەلەر بيۋروسى­نىڭ باس حات­شىسى.

ۆ.لوسسەرتالەستىڭ سوزىنشە، استانادا وتەتىن «ەكسپو – 2017» حالىقارالىق كورمەسىنىڭ بولا­شاقتىڭ ەنەرگياسى تاقى­رىبىنا ارنالۋى بولاشاقتاعى ادامزاتتىڭ الدىنان كولدەنەڭ كەزدەسەتىن قۋات كوزدەرىنىڭ تاپ­شىلىعىن شەشىپ، تۇراقتى دا­مۋىنا سەرپىن بەرەدى. ال «استانا ەكسپو – 2017» نى­ساندارى الداعى ۋاقىتتا الەمدىك دەڭگەي­دەگى ادامزاتتىڭ مۇراسىنا اي­نالادى. 

ەنەرگەتيكا ءمينيسترى ق.بو­زىم­بايەۆ «ەكسپو» كورمەسى ار­قىلى باسقا مەملەكەتتەر قازاق­ستانعا ەرەكشە نازار اۋداراتى­نىن اتاپ كورسەتىپ: «بۇل كورمەنى وتكىزۋ جاۋاپكەرشىلىك ءارى ۇلكەن سىن. وسى ارقىلى استانا مەن ونداعى يننوۆاسيالىق يدەيالار وزىنە الەم نازارىن اۋدارادى. اتالمىش كورمە ادامزاتتىڭ كۇن تارتىبىندەگى ماسەلەلەرىن شەشۋگە ۇلەس قوسۋمەن شەكتەلمەي، ۇيىم­داستىرۋشى ەلدىڭ مادەني جانە ساياسي ارتىق­شىلىقتارى مەن جەتىستىكتەرىن حا­لىقارالىق قاۋىم­داستىققا تانىتۋدا تاپ­تىرماس مۇمكىندىك بولادى»، – دەدى ول.

ايتا كەتەيىك، «ەكسپو – 2017» كورمەسىنە 9 اي قالدى. كورمە 2017 جىلى10 ماۋسىم مەن 10 قىركۇيەك ارالىعىندا وتەدى. «ەكسپو – 2017» كورمەسى پا­ۆيلوندارىنىڭ تەxنيكالىق جاب­دىقتالۋى بيىل قازان ايىندا اياقتالادى. «ەكسپو – 2017» بارىسىندا 93 كۇن ىشىندە استا­نادا 4 مىڭنان استام مادەني شارا وتەدى. 
ەكسپو كەشەنى قالانىڭ قاق ورتاسىندا ورنالاسادى جانە 175 گەكتار اۋماقتى الادى. وعان 5 ميلليوننان استام ادام كەلەدى دەپ كۇتىلۋدە.