وڭتۇستىك قازاقستان وبلىسى بايدىبەك اۋدانىنىڭ ورتالىعى - شايان ەلدى مەكەنىندە جىل باسىنان بەرى تىندىرىمدى تىرلىكتەر اتقارىلىپ، اۋىلدىڭ اجارى ارتا ءتۇستى. بۇل تۋرالى وقو اكىمدىگىنىڭ باسپا ءسوز قىزمەتى حابارلادى.

اتاپ ايتقاندا، شايانداعى ۇزىندىعى 6،2 شاقىرىم بولاتىن 15 كوشە اسفالتتالىپ، پايدالانۋعا بەرىلدى. اۆتوكولىكتەرگە ارنالعان 6 كوشە كەڭەيتىلىپ، 7 جولعا (ۇزىندىعى 3،5 شاقىرىم) جاڭادان اياقجول (تروتۋار) توسەلدى.

اۋدان ورتالىعىنىڭ ساۋلەتتىك كەلبەتىن جاقسارتۋ جۇمىستارى مۇنىمەن توقتاعان جوق. اباتتاندىرۋ جۇمىستارىن جۇيەلى قولعا الۋدىڭ ناتيجەسىندە، كوشە بويىنداعى جيەك تاستار جاڭارتىلىپ، سۋ اعاتىن ارىقتار ورناتىلدى.

بايدىبەكتەگى ورتالىق كوشەلەر دە جاڭارعان. وندا بۇگىنگە دەيىن 10 ورتالىق كوشەنىڭ قاقپاسى (اركا) جاڭادان ورناتىلىپ، 10 گۇلزار بوي كوتەردى.

مۇنان بولەك، مەكەمەلەردىڭ الدىندا اۆتوكولىكتەرگە ارنالعان 10 اۆتوتۇراق سالىندى.

وڭتۇستىك قازاقستان وبلىسى، بايدىبەك اۋدانىنىڭ تۇرعىندارى بۇل يگى ءىس-شاراسىنا جۇمىلا ىسكە كىرىسكەن. تۇرعىنداردىڭ ايتۋىنشا، اۋداننىڭ كگالداندىرىلىپ، كوركەيۋى بالالار مەن كەلەشەك ۇرپاق ءۇشىن وتە پايدالى ەكەن. تۇرعىندار سول ءۇشىن دە بقل ىسكە بىلەك سىبانا كىرىسكەن. ايتۋلارىنشا، بۇل ءۇشىن ەشكىم ەشكىمدى ماجبۇرلەمەگەن. تۇرعىندار جان قالاۋىمەن ايداننىڭ كوركەيۋى ءۇشىن بارلارىن سالعان ەكەن.

سونداي-اق، اتالعان ەلدى مەكەن كوشەلەرىن كوركەيتىپ، كوگالداندىرۋ جۇمىستارى دا قارقىندى جۇرگىزىلدى. ماسەلەن، جىل باسىنان بەرى اۋدان ورتالىعىنىڭ ورتالىق كوشەلەرىنە 2 500 ءتۇپ اعاش وتىرعىزىلىپ، 7 مىڭ دانا راۋشان گ ۇلى مەن 13 مىڭ ءتۇپ گۇلدى وسىمدىكتەردىڭ تۇينەكتەرى ەگىلدى.