ءوڭىرارالىق ىنتىماقتاستىقتى دامىتۋ بويىنشا بەرىلگەن ەلباسىنىڭ تاپسىرماسىن ورىنداۋ ماقساتىندا العاش رەت پاۆلوداردا وڭتۇستىك قازاقستان وبلىسىنىڭ اۋىل شارۋاشىلىعى تاۋار وندىرۋشىلەرىنىڭ جارمەڭكەسىن وتكىزبەك، - دەپ حابارلادى وقو اكىمىنىڭ باسپا ءسوز قىزمەتى.

وبلىستىق اۋىل شارۋاشىلىعى باسقارماسىنىڭ ۇيىمداستىرۋىمەن وتەتىن جارمەڭكە  بولاشاقتا وڭىرلەر اراسىندا  ءتيىمدى سەرىكتەستىك ورناتۋعا ىقپالىن تيگىزبەك. جارمەڭكەگە وڭتۇستىك ايماقتىڭ 15-تەن استام اۋىل شارۋاشىلىعى تاۋار وندىرۋشىلەرى قاتىسادى.

وڭتۇستىكقازاقستاندىق  ديقاندار كوكونىس، باۋ-باقشا مەن جەمىس-جيدەك ونىمدەرىن جارمەڭكەدە نارىقتاعىدان 20-25 پايىز تومەن باعادا پاۆلودارلىق تۇرعىندارعا ساۋدالايدى. ديقانشىلاردىڭ ايتۋىنشا، قويىلاتىن  بارلىق اۋىل شارۋاشىلىعى ونىمدەرى ساناۋلى ساعاتتاردا ساتىلادى. بۇل ەڭ الدىمەن، ۇسىنىلاتىن ءونىمنىڭ ساپاسى مەن ءتيىمدى باعاسىنا بايلانىستى ەكەن.

وۇتىستىك قازاقستان وبلىسىنىڭ ديقاندارىنىڭ ايتۋىنشا، نەگىزگى ماقسات پەن جوسپار بويىنشا پاۆلودارداعى جارمەڭكەگە قويىلاتىن اۋىلشارۋاشىلىق ونىمدەرى ءاردايىم سۇرانىسقا يە بولىپ وتىرۋى ءتيىس. سول سەبەپتى شارۋالارى قازىردەن الداعى جىرمەڭگە ءۇشىن الدىن الا قىزۋ دايىندىققا كىرىسىپ، كۇندىز-تۇنى ەڭبەك ەتۋدىالعا ماقسات ەتىپ وتىر. ديقانداردىڭ ايتۋىنشا سولتۇستىك وڭىردە اۋىلشارۋشىلىق ونىمدەرىنىڭ نەكەن-ساياق بولۋىنا بايلانىستى، بۇل ونىمدەر پاۆلوداردا وتە جاقسى ساۋدالانباق ەكەن.

اتالعان جارمەڭكە وڭتۇستىك قازاقستان وبلىسى قازاقستان حالقىن ازىق-تۇلىكپەن، سونىڭ ىشىندە، كوكونىس جانە باقشا ونىمدەرىمەن قامتاماسىز ەتۋدە نەگىزگى ورتالىق ەكەنىن تاعى دا دالەلدەمەك نيەتتە.