1989 جىلى قىركۇيەكتىڭ 22-كۇنى قازاقستاندا «تىلدەر تۋرالى» زاڭ قابىلدانعان بولاتىن. سول مەرەيلى كۇن ەلىمىزدەگى ايتۋلى مەيرام – قازاقستان حالقىنىڭ تىلدەرى كۇنى رەتىندە جىل سايىن اتاپ وتىلەدى. مەرەكەگە وراي دۇيسەنبى كۇنى «نۇر وتان» پارتياسى قىزىلوردا وبلىستىق فيليالىنا قاراستى «تەمىرجول» باستاۋىش پارتيا ۇيىمىنىڭ ۇيىمداستىرۋىمەن «ۇلت بىرلىگى – ەل تۇراقتىلىعى» اتتى ءارتۇرلى ەتنوس وكىلدەرىمەن بىرلەسكەن دوڭگەلەك ۇستەل ءوتتى، - دەپ جازادى Qamshy.kz Turkystan.kz - كە سىلتەمە جاساپ.
ءىس-شاراعا باستاۋىش پارتيا ۇيىمدارىنىڭ جەتەكشىلەرى، ساياسي كەڭەس مۇشەلەرى، بولىمشەگە قاراستى وزگە ۇلت وكىلدەرى قاتىستى. جيىن بارىسىندا تەحنيكالىق كىتاپحانا قىزمەتكەرلەرى «ءتىل – رۋحاني مادەنيەتتىڭ نەگىزى» اتتى كىتاپ كورمەسىن كوپشىلىك نازارىنا ۇسىنىپ، كەلگەن قوناقتارعا بيبليو­­-گرافيالىق شولۋ جاسادى.
العاش بولىپ ءسوز العان «تەمىرجول» باستاۋىش پارتيا ۇيىمى ءتوراعاسىنىڭ ءبىرىنشى ورىنباسارى بازارا تانبايەۆا جيىلعانداردى «قازاقستان حالقىنىڭ تىلدەرى كۇنى» مەرەكەسىمەن قۇتتىقتادى. سونان سوڭ ەلباسى، پارتيا ءتوراعاسى نۇرسۇلتان ءابىش ۇلى نازاربايەۆتىڭ قازاقستان حالقىنا ارناعان جولداۋىندا ايتىلعانداي، قازاقستان بۇكىل الەمدە حالقى ءۇش ءتىلدى پايدالاناتىن مادەنيەتتى ەل رەتىندە تانىلۋعا تيىستىگىن جانە مەملەكەتتىك ءتىلدى مەڭگەرۋ – بارشامىزدىڭ مىندەتىمىز ەكەنىن اتاپ ءوتتى. «بۇگىنگى كەزدەسۋدىڭ ماقساتى – قازاقستاندا تۇرىپ جاتقان ءتۇرلى ەتنوس وكىلدەرىنىڭ قازاق ۇلتىنا دەگەن سىيلاستىعى مەن ۇلتتىق قارىم-قاتىناستى نىعايتۋ»، – دەدى بازارا تانبايەۆا.
كەزدەسۋ بارىسىندا جيىلعاندار ەلدەگى بىرلىك پەن تۇراقتىلىق باعىتىندا باياندامالار جاساپ، ءوزارا پىكىر الىستى. جاستار جاعى ەلىمىز ءۇشىن ءۇش تۇعىرلى ءتىل ساياساتىنىڭ ماڭىزدىلىعىن ءسوز ەتسە، اعا بۋىن وكىلدەرى ءتىلىمىزدىڭ مارتەبەسىن كوتەرۋ، ونىڭ شۇبارلانۋىن بولدىرماۋ، ەل بولاشاعى قازاق تىلىندە ەكەندىگى جونىندە ماعىنالى ويلارىن ورتاعا سالدى.
ال، وزگە ۇلت وكىلدەرىنەن قۇرالعان ماماندار ەكى ءتىلدى ءبىلۋىمىز سول ەلدىڭ مادەنيەتىن تۇسىنۋگە ىقپال ەتۋ ەكەنىن جەتكىزدى. ودان ءارى ءار ۇلتتىڭ وكىلدەرى ءوز انا تىلىنەن بولەك قازاق ءتىلىن قالاي مەڭگەرگەنى تۋرالى اڭگىمەلەپ، جەكە تاجىريبەلەرىمەن ءبولىستى. «ۆاگون سەرۆيس» مەكەمەسى تەحنيكالىق جولاۋشىلار پاركىنىڭ اعاش ۇستاسى الەكساندر ۆوروبيەۆ: «نەگىزى ادام بالاسىنىڭ باقىتتى بولۋى ەكi نارسەگە بايلانىستى. بiءرى – العان جارىڭنىڭ جاقسى بولۋى بولسا، ەكiنشiسi – ماماندىعىڭدى اداسپاي تابۋ. وسى ەكi باقىتتىڭ دا كiلتiن تابۋىما قازاق تiلi سەبەپكەر بولدى. مەن بار باقىتىمدى قازاق تiلiنەن تاپتىم دەسەم بولادى. سوندىقتان قازاق تiلiنە دە، ماعان تiلدi ۇيرەتكەن قازاق حالقىنا دا باسىمدى يiپ، العىسىمدى ايتامىن. قازاقى ورتادا ءوستىم، قازاقتىڭ قىزىنا ۇيلەندىم. بالالارىمنىڭ ەسىمدەرى امان، ەسەن، بەكەن، دياس. مەن قازاق ەلىندە تۋعانىما قۋانامىن، قازاق ءتىلىن قۇرمەتتەيمىن»، – دەدى.
باسقوسۋعا قاتىسقان قازاق، ورىس، وزبەك، ۋكراين ۇلتىنىڭ وكىلدەرى ءوز انا تىلدەرىندە ولەڭ جولدارىن وقىپ، بىر-بىرىنە مەرەكەلىك كوڭىل-كۇي سىيلاعانى قانداي جاراسىمدى! ۇلتتىڭ بىرلىگىن نىعايتىپ، ەل تۇراقتىلىعىن بەكىتە تۇسەتىن وسىنداي جيىنداردىڭ ماڭىزى قاشاندا زور.