الماتى وبلىسى جامبىل اۋدانىندا جوعالعان  جارقىنبەك دولدان ۇلى، مۇقيات زارلىحان ۇلى جانە قادىلبەك ءالىمحاننىڭ ءمايىتىن قىلمىسكەرلەر ۇزىناعاش اۋىلىنان 200 شاقىرىم جەرگە اپارىپ، قۇمعا كومىپ كەتكەن، - دەپ حابارلايدى Qamshy.kz.

بۇل تۋرالى بۇگىن جامبىل اۋداندىق ءىىب الدىندا جينالعان جۇرتقا مارقۇمداردىڭ تۋىستارى حابارلاعان.

«بۇگىن تاڭەرتەڭ بىرنەشە ءجۇز ادام اۋداندىق پوليسيا بولىمىنە جينالدىق، سودان تۇسكە قاراي پوليسيا باسشىلارى ولاردىڭ سۇيەكتەرىن وسىدان 200 شاقىرىمداي جەردەن تاپقاندارىن ەستىرتتى»، - دەيدى جوعالعان كىسىلەردىڭ تۋىسى تۇرسىن ءامىرباي ۇلى.

مارقۇمداردىڭ ءارقايسىسىنىڭ ارتىندا ەكىدەن، ۇشتەن جاس بالالارى، قارت اتا-انالارى قالعان.

بۇعان دەيىن اتالعان وقيعاعا قاتىسى بار دەگەن كۇدىكپەن ەكى ادامنىڭ ۇستالعانى تۋرالى جازعان بولاتىنبىز. وسى وقيعاعا بايلانىستى الماتى وبلىسى پروكۋرورىنىڭ ورىنباسارى سايات باكيروۆ جامبىل اۋدانىنا ارنايى كەلىپ، تەرگەۋ شارالارىن باقىلاۋعا العان.

ەرلان تولەۋباي