تانىمال ايتىسكەر اقىن اينۇر تۇرسىنبايەۆانىڭ قىزى  تامىزدىڭ 30 كۇنى «بايتەرەك» مونۋمەنتى  ماڭايىندا  بولعان جول كولىك اپاتى ءىسى بويىنشا تەرگەۋدەن ءوتىپ جاتىر،- دەپ حابارلايدى Qamshy.kz  Today.kz-كە سىلتەمە جاساپ. 18-جاستاعى  ايدانا كوپبوسىنوۆا Land Rover Discovery 4 كولىگىن جۇرگىزىپ كەلە جاتىپ، 28 جاستاعى  مەيىرجان قاسىمعالييەۆتى قاعىپ كەتكەن.

زارداپ شەگۋشى جىگىتتىڭ اپكەسى  مەرەي ەسكەندىروۆانىڭ مالىمەتىنشە، جاس جىگىت ءالى كۇنگە دەيىن ەمحانادا جاتىر. وعان جابىق باس-سۇيەك مي زاقىمى جانە  مي جاراقاتى، كوپتەگەن سىنىقتار بار دەگەن دياگنوز قويعان

«دارىگەرلەر ءۇش اي ىشىندە وعان تۇرۋعا بولمايدى دەدى، ازىرشە كۇنىنە بەس مينۋت قانا وتىرادى. ونىڭ ۇنەمى باسى اينالادى. جاقىندا عانا باۋىرىمدى قاققان قىزدىڭ اناسى حابارلاستى. ول كومەك رەتىندە ەكى ميلليون جيناعانىن ايتتى. ءبىراق، ونىڭ ءبارى بوس ءسوز بولىپ قالدى.  كەزدەسۋگە شاقىردى، ءبىراق ءبىز تەك زاڭگەردىڭ قاتىسۋىمەن عانا كەزدەسۋگە كەلىسەمىز. ماعان ونىڭ سويلەۋ مانەرى ۇنامادى. اللانى اۋزىنا الا بەرەتىنى جاقسى نيەتتەن شىعار، ءبىراق ونىسى  بىزگە ەشقانداي سەنىم بەرمەيدى.   مەن وعان ۇسىنىلعان سومانىڭ وتە از ەكەنىن ايتتىم، ول قاراجات مەنىڭ باۋىرىمنىڭ ساۋىعىپ كەتۋىن قامتاماسىز ەتە المايدى»،-  دەپ ايتقان مەرەي ەسكەندىروۆا.

مەيىرجان  قاسىمعالييەۆتىڭ وتباسى ءىستى سوتقا دەيىن اپارىپ، اپاتقا كىنالىنى جاۋاپقا تارتقىزاتىندارىن اتاپ ءوتتى.

«ول زاڭ بويىنشا جاۋاپ بەرسىن، باستىسى تەرگەۋشىلەر ءىستى بۇرىپ جىبەرمەسە بولعانى. جكا جالعىز كۋاگەرى ەكى اپتا بولدى بايلانىسقا شىقپايدى، حابارلاماعا دا، قوڭىراۋلارعا دا جاۋاپ بەرمەيدى. بۇل دا ءبىزدى الاڭداتادى»، - دەپ شاعىمداندى ەسكەندىروۆا.

ءوز كەزەگىندە اينۇر تۇرسىنبايەۆا پورتال تىلشىلەرىنە زارداپ شەگۋشىنىڭ وتباسى كەز-كەلگەن كومەكتەن باس تارتىپ وتىرعانىن جەتكىزگەن،  ۇلكەن سومانى دا وتەماقى رەتىندە العىسى كەلمەيتىنىن مالىمدەدى.  

"ءبىز كومەكتەسۋگە دايىنبىز، ءبىراق ولار كومەكتەن باس تارتۋدا.  ايدانا ول جىگىتتى قاعىپ كەتكەن كەزدە جەدەل جاردەمدى ءوزى شاقىرعان.  ءبىز كۇن سايىن ەمحاناعا كەلىپ تۇردىق، ءبىراق كەيىننەن ولار كۇزەت قويىپ، ءبىزدى ىشكە كىرگىزبەي قويدى.  جىگىتتىڭ وتباسى وتە ۇلكەن سومادا قاراجات سۇراپ وتىر، ءبىراق بىزدە ونداي قارجىلاي مۇمكىندىك جوق. ولار بىزدەن 30 مىڭ دوللار سۇرادى، ەگەر ونداي كولەمدە اقشا بولسا كەزدەسۋگە كەلە الاسىزدار، ال جوق بولسا، ەلەمەي-اق قويىڭىزدار،- دەدى. ءبىز كومەكتەسۋگە دايىنبىز:  قارايتىن كۇتۋشىنى دە جالداپ بەرمەك بولدىق، اقىلى پالاتاعا دا اۋىستىرايىق، دارى-دارمەك، ازىق-تۇلىگىن دە الىپ بەرەيىك دەدىك. قىزىم وعان ەمحاناعا بارسا، اناسى ەندىگارى كەلمە دەپتى. ەندى زاڭ بويىنشا جاۋاپ بەرۋگە تۋرا كەلەدى. باسقا شارا جوق»،- دەپ جاۋاپ بەردى وقيعاعا قاتىستى اينۇر تۇرسىنبايەۆانىڭ ءوزى.

استانا قالاسى ءىىد اتالعان فاكتىگە 345ء-شى بابى بويىنشا « ججە بۇزدى نەمەسە  تۇلعالاردىڭ كولىك قۇرالدارىن پايدالانۋى» ق ر ءقى  سوتقا دەيىنگى تەرگەۋ جۇمىستارى ءجۇرىپ جاتقانىن مالىمدەدى. زارداپ شەگۋشىنىڭ ەمى اياقتالعان سوڭ جۇرەتىن تەكسەرىسكە كەرەك ساراپشىلار بەلگىلەندى،- دەدى.

«1998 جىلى تۋىلعان كولىك  جۇرگىزۋشىسى  Land Rover Discovery كولىگىن «بايتەرەك» مونۋمەنتىنە قارسى  اقمەشىت كوشەسى بويىمەن جۇرگىزىپ كەلە جاتىپ، سول جاقتان وڭ جاققا قاراي جاياۋ جۇرگىنشىدەن ءوتىپ كەلە جاتقان  28 جاستاعى مەيىرجان  قاسىمعالييەۆتى  قاققان. جكا سالدارىنان ءتۇرلى دەنە جاراقاتتارىن العان جاياۋ جۇرگىنشى ەمحاناعا جاتقىزىلدى»، – دەلىنەدى پوليسيا مالىمەتىندە.

مەكەمەدە بۇعان دەيىن Land Rover Discovery  كولىگىنىڭ جۇرگىزۋشىسى قۇقىق بۇزۋ جاۋاپكەرشىلىگىنە تارتىلماعانىن اتاپ ءوتتى.

ەستەرىڭىزگە سالساق، مەيىرجان قاسىمعالييەۆتىڭ تۋىستارى  تامىزدىڭ 30  كۇنى  «بايتەرەك» مونۋمەنتى جانىندا بولعان جكا كۋاگەرلەرىنىڭ  حابارلاسۋىن سۇرايدى.  جاس جىگىت عزي-دا  تراۆموتولوگيا ءجان باس مي سۇيەگى زاقىمندانىپ، ءتۇرلى سىنىقتارمەن جاتىر.   كەيىننەن جابىرلەنۋشىنىڭ اپكەسى   بەلگىسىز ءبىر الاياقتاردىڭ سول وقيعانى تۇسىرگەن ۆيدەوجازبا بار دەپ، وزدەرىنە ساتۋعا تىرىسىپ جۇرگەنىن ايتتى.