وڭتۇستىك قازاقستاندا شاردارا اۋدانىنىڭ اكىمىن داستارحان باسىندا وتىرعان كاسىپكەر باسىنان بوتەلكەمەن ۇرعان. وقيعا 1 قىركۇيەك ءبىلىم كۇنى قارساڭىندا شاردارا سۋ قويماسىنىڭ التىن جاعاجايىنداعى وتىرىستا بولعان، - دەپ حابارلايدى Qamshy.kz 31-ارناعا سىلتەمە جاساپ.
شەنەۋنىكتەر مەن كاسىپكەرلەردەن قۇرالعان ءبىر توپ قوناقتارمەن كوڭىلدى داستارحان باسىندا وتىرعاندا، كەنەت عاني ەسىمدى كاسىپكەر ەكەۋىنىڭ اراسىندا كيكىلجىڭ تۋىپ، ارتى ۇرىسقا ۇلاسقان. بۇل تۋرالى اقپارات بەرگەن راتەل.كز پورتالى وقيعانىڭ باس پروكۋراتۋرا باقىلاۋىندا ەكەنىن جازادى. الايدا رەسمي ورىندار ازىرگە قانداي-دا ءبىر تۇسىنىك بەرگەن جوق. باسىنا بوتەلكە تيگەن 39 جاستاعى ارمان ابدۋللايەۆتىڭ قاباعى جارىلىپ، ءتىپتى، ماڭدايىنىڭ بىرنەشە جەرىن تىگۋگە تۋرا كەلگەن.
