قازاقستاندىق اكتەر، مودەل، ءارى تەلەجۇرگىزۋشى تاۋەكەل ءمۇسلىم ءوز ەسىمىمەن اتالاتىن اتىرلەر شىعارا باستادى،- دەپ حابارلايدى Qamshy.kz قازاقپاراتقا سىلتەمە جاساپ.
Bouquet de Parfums فرانسۋزدىق كومپانياسى قازاقستانداعى رەسمي دەستريبيۋتورى MSLM كومپانياسىمەن بىرگە Tauyekel Mussilim برەندىمەن ءيىسسۋلار شىعارا باستادى. قىز-كەلىنشەكتەرگە ارنالعان العاشقى ءاتىر “اسىلىم”، ەرلەر ءيىسسۋى “كەمەل” دەپ اتالدى.
ولار قازاقستان دۇكەندەرىنە ساتىلىمعا 1 قازان كۇنى تۇسەدى دەپ جوسپارلانۋدا. ءبىراق تاۋەكەل ءمۇسلىمنىڭ كومپانياسى ءقازىردىڭ وزىندە الدىن الا تاپسىرىستاردى قابىلداۋ ۇستىندە. قازاقستاندىق برەندپەن شىعارىلاتىن تۇڭعىش ءارى جالعىز فرانسۋزدىق پارفيۋمەريالاردىڭ باعاسى 11 900 تەڭگە.
تەلەجۇلدىز ءوز تۋىندىلارىنىڭ تانىستىرىلىمىن جۋىردا استانادا، الماتىدا، بىشكەك پەن تاشكەنتتە وتكىزۋدى جوسپارلاپ وتىر.
ول ينستاگرامداعى پاراقشاسىندا جانكۇيەرلەرىن تۇساۋكەسەرگە قاتىسۋعا جانە جەڭىلدىكپەن بەرىلەتىن الدىن الا تاپسىرىستاردى جاساۋعا شاقىرۋدا.
