يندۋستريالاندىرۋ كارتاسى اياسىندا ىسكە قوسىلعان 20 جوبا توقتاپ تۇر، - دەپ حابارلايدى Qamshy.kz قازاقپاراتقا سىلتەمە جاساپ. 

«2016 جىلعى 1ء-شى جارتىجىلدىق قورتىندىسى بويىنشا يندۋستريالاندىرۋ كارتاسى جوبالارىنىڭ 70 پايىزى (600 جوبادان استام) جوسپار بويىنشا جۇمىس ىستەيدى، 20 جوبا توقتاپ تۇر. بۇل ىسكە قوسىلعان بارلىق جوبالاردىڭ 2 پايىزى. جوبالاردىڭ توقتاپ تۇرۋىنا نارىقتىڭ ازايۋى، اينالىم قاراجاتتارىنىڭ بولماۋى، وندىرىلگەن ءونىمنىڭ باعاسىنىڭ قۇبىلمالىلىعى سىندى جايتتار باستى سەبەپ بولۋدا»،-  دەلىنگەن مينيسترلىك جاۋابىندا.

ۆەدومستۆو اقپاراتىنا سايكەس، توقتاپ تۇرعان 20 جوبا ىشىنەن تەك 10 جوباعا سۋبسيديالاۋ، پايىزدىق مولشەرلەمەلەر، «تدجۇا» اق يننوۆاسيالىق گرانتتارى، اكك قارجىلاندىرۋلارى، «قدب» اق كرەديتتەۋ جەلىلەرى سياقتى مەملەكەتتىك قولداۋ تۇرلەرى كورسەتىلۋدە.

دەگەنمەن، مينيسترلىك بارلىق جوبالار بويىنشا ولاردى قالپىنا كەلتىرۋ جۇمىستارى جۇرگىزىلىپ جاتقانىن، ناتيجەلى قالپىنا كەلتىرىلگەن جوبالار دا بار ەكەندىگىن اتاپ وتكەن.

«بارلىعىنا بەلگىلى قاراعاندى كرەمنيي زاۋىتى (سيليسيۋم) يندۋستريالاندىرۋ باعدارلاماسى باستالعانعا دەيىن، ياعني، 2010 جىلى وندىرىسكە قوسىلدى. ءبىراق، 2013 جىلى كاسىپورىن توقتاپ قالدى. قايتا ىسكە قوسۋ ءۇشىن ينۆەستور رەتىندە «تاۋ-كەن سامۇرىق» ۇتك» تارتىلىپ، ءبىر جىلدان كەيىن كاسىپورىن قايتا ءونىم ءوندىرۋدى باستادى. 2015 جىلى 11 مىڭ توننادان استام ءونىم ءوندىرىلدى. تاعى ءبىر مىسال، «قدب» اق قارجىلاندىرعان «ازيا كەراميك» ج ش س كەراموگرانيت ءوندىرىسى 2011 جىلى توقتاپ قالعان ەدى. جوبا «قيق» اق-قا بەرىلىپ، جاڭا ينۆەستور رەتىندە «زەردە» ءعوب» ج ش س تابىلىپ، زاۋىتتىڭ جۇمىسى 2015 جىلعى مامىردا قايتا جاڭعىرتىلدى»،- دەلىنگەن اقپاراتتا.