ءوڭىرارالىق ىنتىماقتاستىق اياسىندا الماتىدا شىعىس قازاقستان وبلىسىنىڭ بال جارمەڭكەسى وتۋدە. شىعىس قازاقستاننان الماتىلىقتارعا 40 توننادان استام ءتۇرلى بال جانە بال ونىمدەرى، پانتى ءونىمىنىڭ 27 ءتۇرى اكەلىندى، - دەپ حابارلايدى Qamshy.kz.

شىعىس قازاقستان وبلىسىنىڭ بالى ءوزىنىڭ دامدىك جانە ەمدىك قاسيەتتەرى جاعىنان ەلىمىزدەگى ەڭ ۇزدىك بال بولىپ تابىلادى. سوندىقتان شيەۆچەنكو كوشەسىندەگى ق ر عىلىم اكادەمياسى الدىندا وتكەن جارمەڭكەدە الماتىلىقتار سانىنىڭ كوپ بولۋى ورىندى.

ارنايى ساۋدا نۇكتەلەرىندە وسكەمەن قالاسىنىڭ، زىريان، گلۋبوكوە، كاتونقاراعاي، ۇلان، ءۇرجار، اياگوز، شەمونايحا، كوكپەكتى جانە تارباعاتاي اۋداندارىنىڭ ەكولوگيالىق تازا ءونىمى ساۋدالاندى. وندا بال ءونىمىنىڭ سان ءتۇرى مەن پانتى ءونىمىنىڭ 27 ءتۇرى ساتىلدى.

جينالعان جۇرتشىلىققا بال جارمەڭكەسى بارىسىندا شىعىس قازاقستان وبلىسىنىڭ شىعارماشىلىق ۇيىمدارىنىڭ كونسەرتىن ۇسىنىلدى. سونداي-اق، الماتى قالاسىنىڭ تۇرعىندارى 2016 جىلى شىعىس قازاقستاننىڭ 5 كونە ەسكەرتكىشىندە جۇرگىزىلگەن ارحەولوگيالىق قازبالاردىڭ جادىگەرلەرىمەن تانىسا الدى. كورمەدە بەرەل قورعانى، شىلىكتى جازىعى، ابلايكيت قامال-موناستىرىندە، قىرىقۇڭگىر مەن ەلەكە سازىندا تابىلعان ارتەفاكتىلەر تۇرعىندار نازارىنا ۇسىنىلادى.