رەجيسسەر ءادىلحان ەرجانوۆ ( «قاراتاس اۋىلىنداعى چۋما»، «قوجايىندار») «قازاقفيلم» پرەزيدەنتى سەرىك جۇباندىقوۆتى بيۋدجەتتەن اقشا جىمقىردى دەپ ايىپتادى،- دەپ حابارلايدى Qamshy.kz  Tengrinews.kz-كە سىلتەمە جاساپ.

ول بۇل مالىمدەمەنى «ەۋرازيا» كينوفەستيۆالىندە  ۇزدىك رەجيسسۋرا ماراپاتىن الىپ جاتقان كەزدە ايتتى. ەرجانوۆ ق ر سپورت جانە مادەنيەت ءمينيسترى  ونىڭ جاڭا جوباسىنا 100 ميلليون تەڭگە بولگەنىن، ءبىراق «قازاقفيلم» ۆيسە-پرەزيدەنتى وعان تەك 20 ميلليون قالدىرعانىن جايىپ سالدى.

«ولار ءبىز وسى جىلى 20 ميلليونعا فيلم تۇسىرگەنىمىزدى قالايدى، ءبىراق تا مينيسترلىك بىزگە 100 ميلليون بولگەن. وسى  ماسەلە مەنى مازالايدى.  باسشىلىق «قازاقفيلم» ىشىندە مينيسترلىككە كورسەتپەيتىن  20 ميلليوندىق سمەتا جاساپ قويدى. مەن ولارمەن داۋلاسۋدان شارشادىم، مەن بۇل جايلى بۇگىن ساحنادا ايتۋعا شەشىم قابىلدادىم.  ولار ءبارىن زاڭ اياسىندا جاساسىن نەمەسە جوبانى جاۋىپ تاستاسىن.  اقشا بەرمەي مە، ەشتەڭە ەتپەيدى، مەن ءوزىم تۇسىرەمىن. باستىسى، مەنىڭ ءفيلمىم ارقىلى ۇرلىق جاساماسا بولعان»،- دەدى ەرجانوۆ.

ءوز كەزەگىندە، سەرىك جۇباندىقوۆ ەشكىمنىڭ اقشا ۇرلاپ جاتپاعانىن جانە ونى يەمدەنۋ ويلارىندا دا جوق ەكەنىن ايتتى. ونىڭ سوزىنشە، ازىرشە بۇل ماسەلە شەشىلمەگەن. «وعان ءالى 100 ميلليون بولىنبەگەن، بۇل تەك جوسپارلانىپ جاتىر. شامامەن 20 ميلليوندى باستاپقى سوما رەتىندە بولگەن.  ءبىز كەلىسىمشارتقا زاڭدى تۇردە وتىردىق. بۇل وندىرىستىك پروسەسس،- دەپ مالىمدەدى جۇبانوۆ.