اكسيا وبلىستىق اكىمدىك عيماراتىنىڭ الدىندا وتكەن. كارىس جىگىتتەرىنە ەلىكتەيتىن انشىلەردىڭ 30-عا جۋىق تىڭدارمانى تانىمال بويز-بەندتىڭ كونسەرتتەرىن قالادا توقتاتپاۋدى تالاپ ەتتى. شامامەن ءبىر ساعاتقا سوزىلعان اكسيا كەزىندە ءتارتىپ بۇزۋشىلىق ورىن العان جوق،- دەپ حابارلايدى Qamshy.kz Baq.kz-كە سىلتەمە جاساپ.

توپتىڭ تىڭدارماندارى، سونداي-اق، اقتوبە وبلىسىنىڭ اكىمىنە دە ارنايى ۇندەۋ جولداعان. بۇل بەينەجازبا ينستاگرامداعى aktobe_zello پاراقشاسىندا جاريالاندى.

ولار وبلىس باسشىسىنا توپتىڭ كونسەرتتەرىن قالادا وتكىزبەي قويۋ ۇلكەن ادىلەتسىزدىك ەكەنىن ايتقان. «ولار كەلەدى دەپ ارنايى سىيلىقتار دايىندادىق، جوسپار قۇردىق. بىرنەشە كۇن قالعاندا مىڭداعان قىزدىڭ كوز جاسىنا قالعالى وتىرسىزدار»، - دەيدى مۇڭىن شاققان بويجەتكەندەر.

ەسكە سالا كەتسەك، بۇعان دەيىن اقتوبەدە ون شاقتى اسابا اتالعان توپتىڭ كونسەرتىن قالادا وتكىزبەۋدى تالاپ ەتكەن ەدى.