تۇركيانىڭ باتىسىنداعى يزمير قالاسىندا توڭكەرىس جاساماق بولدى دەپ ايىپتالعان وپپوزيسيالىق ءدىن ۋاعىزشىسى فەتحۋللاح گۇلەننىڭ ءىنىسى ۇستالدى، - دەپ حابارلايدى Qamshy.kz Tengrinews.kz-كە سىلتەمە جاساپ.
كۋتبەتتين گۇلەن اعاسى باسقارعان ۇيىم قىزمەتىنە اتسالىسقان دەگەن ايىپپەن ىزدەۋدە جۇرگەن بولاتىن. گازيەمير اۋدانىندا جاسىرىنىپ جاتقان كۇدىكتىنى ۇستاۋ وپەراسياسىن يزميرلىك پوليسيانىڭ تەررورمەن كۇرەس دەپارتامەنتىنىڭ قىزمەتكەرلەرى جۇرگىزدى.
ەسكە سالايىق، 16 شىلدەدە تۇركيادا ءبىر توپ كوتەرىلىسشى توڭكەرىس جاساماق بولدى. قاقتىعىستار نەگىزىنەن انكارا مەن ىستامبۇلدا وتكەن. سوڭعى مالىمەتتەرگە سايكەس، قاقتىعىستار ناتيجەسىندە كوتەرىلىسشىلەردى ەسەپتەمەگەندە 246 ادام كوز جۇمىپ، ەكى مىڭنان اسا ادام جاراقات العان. تۇركيا بيلىگى بۇل جايتقا فەتحۋللاح گۇلەندى ايىپتاپ، اقش بيلىگىنەن ونى ەكستارديسيالاۋدى تالاپ ەتتى. گۇلەننىڭ ءوزى بۇل باس كوتەرۋدى ايىپتاپ، وعان قاتىسى جوعىن مالىمدەگەن.
