ەرتەڭ ەلگە رف پرەزيدەنتى ۆ. پۋتين كەلەدى. بۇگىن ورىنبور وبلىسىندا جۇمىس ساپارىمەن جۇرگەن ول قازاقستانعا نە ءۇشىن كەلە جاتىر؟
پرەزيدەنت ۆ. ءپۋتيننىڭ باسپا ءسوز قىزمەتى ەكى ەل پرەزيدەنتى ەۋرازيالىق ەكونوميكالىق وداق، باسقا دا ۇيىمدار اياسىنداعى قارىم-قاتىناس جايىن ءسوز ەتىپ، رەسەي مەن قازاقستاننىڭ ءحىىى ايماقارالىق ارىپتەستىك فورۋمىنىڭ جۇمىسىنا قاتىساتىنىن حابارلادى. قازاقستانمەن ساۋدا-ەكونوميكالىق بايلانىس ورناتقان ورىنبور كاسىپكەرلەرىمەن كەزدەسىپ جۇرگەنىنە قاراعاندا بۇل ساپار شىنىمەن دە ەكى ەلدىڭ اراسىنداعى ەكونوميكالىق بايلانىستارىنا ارنالاتىن سياقتى. ونىڭ ۇستىنە رەسەي مەن قازاقستان اراسىنداعى ساۋدا-ساتتىقتا ءبىرقاتار پروبلەمالاردىڭ جوق ەمەستىگى دە بەلگىلى.
بۇعان دەيىن ەكى ەل باسشىلارى 16 قىركۇيەكتە بىشكەكتە وتكەن تمد مەملەكەتتەرى باسشىلارىنىڭ جيىنىندا جۇزدەسكەن بولاتىن.
