استانا قالاسىندا تويعا بارىپ، توي تويلاپ، ىشىپ-جەپ، ارتىنان قىمبات تەلەفونداردى يەسىنىڭ قولىنان الىپ كەتەتىن الاياقتار شىعا باستاعان،-دەپ حابارلايدى Qamshy.kz. بۇل تۋرالى  ءوزىنىڭ Facebook پاراقشاسىندا ايسۇلۋ قاراتاي ەسىمدى قىز جازىپ، ءتىپتى الاياق ۇرىنىڭ سۋرەتىن جاريالاپ، بىلاي دەپ قويعان: « استانا تۇرعىندارىنىڭ نازارىنا!  مىنا جاس جىگىتتى ىزدەپ ءجۇرمىز. 1.10.2016  جىل ۇيلەنۋ تويدا «ءوزىمىزدىڭ تانىس ادامداي بولىپ ءجۇردى». بارىمىزدە ونىڭ بىرەۋدىڭ تۋىسى بولار دەپ ويلادىق. كەش بويى كوڭىل كوتەرىپ، جاستار ءۇشىن  قۋانىپ  ءجۇردى.  توي سوڭىندا قوڭىراۋ شالۋ ءۇشىن 2 ادامنىڭ قىمبات تەلەفوندارىن سۇراپ  الىپ، جوق بولىپ كەتكەن ( تويدا ادامدار وتە كوپ بولدى، تاعى كىمدەردىڭ زارداپ شەككەنىن بىلمەيمىز). سودان بەرى بىزدە ونىڭ تەك كوڭىلدى «سۋرەتتەرى» عانا قالدى. ەگەر ونى تويلاردا كورگەن بولساڭىزدار، حابارلاسۋلارىڭىزدى سۇرايمىن! تويداعى ادامدار ءتىزىمىن تەكسەرۋدى ۇمىتپاڭىزدار!» .