اقوردادا قازاقستان پرەزيدەنتى نۇرسۇلتان نازاربايەۆ رەسەيلىك ارىپتەسى ۆلاديمير ءپۋتيندى قابىلدادى، - دەپ حابارلايدى Qamshy.kz.

«ءسىزدى قۋانا قابىلدايمىن، جاساعان ساپارىڭىز ءۇشىن راقمەت. بيىلدىققا ءبىز سەگىزىنشى رەت كەزدەسىپ تۇر ەكەنبىز، بۇل كەزدەسۋ دە ماڭىزدى. سوچيدە كەلىسكەنىمىزدەي، ءبىزدىڭ ۇكىمەتتەرىمىز جاقسى جۇمىس ىستەدى، بۇگىن ەكى جاقتان 900 كاسىپكەر كەزدەسەدى. جالپى قۇنى 20 ميلليارد دوللاردان اساتىن 40 شاقتى بىرلەسكەن كەلىسىمدەر جاسالادى»، - دەدى ءپۋتيندى كۇتىپ العان ەلباسى.

ەلباسى سونداي-اق، ەكى ەلدىڭ شەكارالاس وڭىرلەرى باسشىلارى دا كەزدەسەتىنىن اتاپ ءوتتى.

«بۇل ءوزارا سەنىمدى، ءبىزدىڭ وداقتاستىق قاتىناستارىمىزدى بىلدىرەدى. سىزگە ەرەكشە ريزامىن. ءسىزدىڭ قانشالىقتى قاربالاس ەكەنىڭىزدى كورىپ وتىرمىن. ءبىراق، سايلاۋ وتكەننەن كەيىن دەنەنى بوس ۇستاۋعا بولادى ەمەس پە؟ جوق ءسىز كەشە ورىنبورعا بارىپ كەزدەسۋ وتكىزدىڭىز... جىگىتتەر جۇمىس ىستەۋى كەرەك»، - دەدى ن. نازاربايەۆ ارىپتەسىنە ازىلمەن.

سونىمەن قاتار، ن. نازاربايەۆ ۆ. ءپۋتيندى رف-نىڭ مەملەكەتتىك دۋماسى دەپۋتاتتارىن سايلاۋدىڭ ءساتتى اياقتالۋىمەن قۇتتىقتاپ، ونىڭ قيىن ۋاقىتتاعى ۇلكەن جەڭىس ەكەنىن اتاپ ءوتتى.

«بۇل جەڭىس پرەزيدەنتتىڭ زور بەدەلىن بىلدىرەدى»، - دەدى ن. نازاربايەۆ.

ءوز كەزەگىندە ۆ. پۋتين ق ر پرەزيدەنتىنە شاقىرۋى ءۇشىن العىس ءبىلدىرىپ، ساۋدا-ەكونوميكالىق اينالىمدا شەشىمىن كۇتكەن ءبىرقاتار ماسەلەلەر بارىن اتاپ ءوتتى.