ءيا، اۋرۋ اتاۋلىدا جىنىستىق جولمەن تارالعان دەرت تۇرلەرىن ەمدەپ جازۋ قيىنىڭ قيىنى. اسىرەسە جەزوكشەلەر جىنىستىق دەرتتىڭ نەبىر ءتۇرىن تاسىمالداۋشى ەكەنى راس. بۇگىندە ورتامىزدا جەزوكشەگە بارماسا تۇرا المايتىن جىگىتتەر از ەمەس. ەندى جەزوكشەلەردەن قانداي اۋرۋ جۇقتىرۋعا بولادى؟ سوعان توقتالايىق. 

جىنىستىق اۋرۋلار نەگىزىنەن جىنىستىق جولمەن، ءانالدى تۇردە نەمەسە وروگەنيتالدى بايلانىس ارقىلى تارالادى.  

جىنىستىق دەرت جەزوكشەمەن جىنىستىق بايلانىسقا ءتۇسۋ ارقىلى عانا جۇقپايدى. جەزوكشەلەر پايدالانعان سۇلگى، ت.ب. زاتتار دا اۋرۋلاردىڭ وشاعى ەكەنىن عالىمدار انىقتاعان.   

اقش عالىمدارى 1988 جىلى مىنانداي جاڭالىق اشتى: ءار كۇن سايىن شامامەن 38 مىڭ ادام جىنىستىق اۋرۋ جۇقتىرادى ەكەن. اڭگىمە تەك سپيد تۋرالى ەمەس. كەيبىر اۋرۋ تۇرلەرى جىنىستىق جولمەن اعزاعا ەنگەن سوڭ جىلدار بويى جاسىرىن جاتادى دا ۋاقىت وتە كەلە ادامدى ازاپقا تۇسىرەدى.

ال بارىنەن  سوراقىسى جەزوكشەگە قۇمار جىگىتتەر ولاردان اۋرۋدى جۇقتىرىپ قانا قويماي، وتباسىنداعى باسقا ادامدارعا دا (زاڭدى ايەلى، بالاسى، تۋعان-تۋىسى، ت.ب.) تاسىمالدايتىنىندا.

ماماندار جەزوكشەمەن بايلانىسقان ەركەكتىڭ تاماق ىشكەن ىدىسىنىڭ ءوزى اۋرۋ باكتەرياسىنىڭ ۇياشىعىنا اينالاتىنىن ايتىپ وتىر. ياعني جامان ءجۇرىستى ايەلمەن بايلانىسقان ەر ادامنىڭ تاماق ىشكەن ىدىسىنىڭ ءوزى، قاراپايىم تىلمەن ايتساق، حارام ەكەن. جالپى جەزوكشەگە قۇمارلىقتىڭ ءوزى ادالدىق نىشانى ەمەس قوي.

دارىگەرلەر ەرلەر ساقتىق ءۇشىن پايدالاناتىن مۇشەقاپتىڭ ءوزى اۋرۋدان تولىق قورعامايتىنىن ايتۋدا. ويتكەنى، جۇقپالى دەرت، دەنەنىڭ باسقا مۇشەسىنە جابىسىپ، (اۋىز، اياق، قول، ت.ب.) «جۋساڭ دا كەتپەيتىندەي» بوپ سىڭەدى ەكەن.

جىنىستىق جولمەن تارالاتىن باستى اۋرۋلاردىڭ اتاۋلارى: ۋرەاپلازموزا، پاپيللوماۆيرۋستىق ينفەكسيا، گەنيتالدى گەرپەس، گونورەيا،  حلاميديوز، ۋروگەنيتالدى تريحومونوز، يتومەگالوۆيرۋستىق ينفەكسيا، سيفيليس، ۆيچ ينفەكسيا، ۆەنەريكالىق ليمفوگرانۋلەماتوز، ت.ب.

قالاي بولعاندا دا ءوز دەنساۋلىعى مەن وتباسىنىڭ اماندىعىن ويلاعان ازامات جەزوكشەدەن اۋلاق جۇرەتىنى انىق.

ايعانىم ءبىرتۋار