بۇگىن قازاقستان مەن رەسەيدىڭ XIII ءوڭىرارالىق ىنتىماقتاستىق فورۋمى بارىسىندا ەلباسى نۇرسۇلتان نازاربايەۆ رەسەيلىك كومپانيالاردى قازاقستاندىق كاسىپورىنداردى جەكەشەلەندىرۋگە قاتىسۋعا شاقىردى، - دەپ حابارلايدى Qamshy.kz قازاقپاراتقا سىلتەمە جاساپ.

«قازىرگى ۋاقىتتا ءبىز اۋقىمدى جەكەشەلەندىرۋدىڭ كەزەكتى كەزەڭىنە كىرىستىك. مەملەكەتتىڭ ماقساتى-ەكونوميكادا كاسىپورىنداردىڭ 15 پايىزدايىن عانا قالدىرۋ. باسەكەلەستىك ورتاعا جالپى سوماسى شامامەن 10 ملرد. دوللاردى قۇرايتىن 800-گە جۋىق مەملەكەتتىك كاسىپورىن بەرىلەدى. ساتۋ قاراپايىم اۋكسيونننان باستاپ، ستراتەگيالىق سەرىكتەستىككە ناقتى ساتۋعا دەيىنگى ءارتۇرلى ادىسپەن جۇرگىزىلۋدە. رەسەيلىك كومپانيالار بۇل شاراعا بەلسەندى قاتىسادى دەپ ويلايمىن»، - دەدى نۇرسۇلتان نازاربايەۆ.

وسى رەتتە مەملەكەت باسشىسى قازاقستان دۇنيەجۇزىلىك بانكتىڭ بيزنەس جۇرگىزۋ جەڭىلدىگى جونىندەگى رەيتينگىندە 41ء-شى ورىندا تۇرعانىن ايتتى.

«ءبىز ەكونوميكانى كەزەڭ-كەزەڭىمەن جاڭعىرتۋدى جالعاستىرا بەرەتىن بولامىز»، - دەدى ەلباسى.