رەسەي پرەزيدەنتى ۆلاديمير پۋتين قازاقستانمەن اراداعى ساۋدا-ساتتىقتى تەجەپ تۇرعان سەبەپتەردى اتادى، - دەپ حابارلايدى Qamshy.kz  Tengrinews.kz -كە سىلتەمە جاساپ. 

ۆلاديمير ءپۋتيننىڭ سوزىنشە، قازىرگى تاڭداعى رەسەي جاعىنان جولدىڭ بولماۋى جانە قازاقستانمەن شەكاراداعى وتكىزۋ پۋنكتتەرىنىڭ تارلىعى ەكى ەل اراسىنداعى ساۋدا قاتىناستارىن تەجەپ وتىر.

"رەسەي مەن قازاقستان ءوزارا ساۋدا-ساتتىقتى ليبەراليزاسيالاۋ ماسەلەسى بويىنشا ءبىرشاما ىلگەرىلەدى. ەۋرازيالىق ەكونوميكالىق وداقتاعى وزگە سەرىكتەستەرمەن بىرىگە تاۋار، قىزمەت، كاپيتال مەن جۇمىس كۇشىنىڭ قوزعالىسىنا بوگەت بولاتىن شەكتەۋلەردى بىرتىندەپ جويىپ جاتىرمىز. دەگەنمەن ونداي ماسەلەلەر كوپ. مەن ءقازىر عانا نۇرسۇلتان ءابىشۇلىنا كەشەگى ورىنبوردا وتكەن رەسەيلىك بيزنەس وكىلدەرىمەن كەزدەسۋىم جايلى ايتىپ وتىرعانمىن. ءبىز باياعىدا شەشىپ قويعانبىز دەپ ويلاعان دۇنيەلەر بار. بۇل تاۋار، قىزمەت پەن كاپيتال قوزعالىسىنا بوگەت بولاتىن تەك ينفراقۇرىلىم ماسەلەلەرى. شەكارادان اسۋعا بايلانىستى قاراپايىم جايلار. بىزدە شەكارا دا جوق دەسە بولادى. جوق، ول بار ەكەن، شەكتەۋلەر دە بار، سونىڭ ىشىندە ينفراقۇرىلىمدىق شەكتەۋلەر"، - دەدى پۋتين استانادا ءوتىپ جاتقان فورۋمدا.

"مىنە، نۇرسۇلتان ءابىش ۇلى بىلەدى، از عانا بولىپ كەزدەسكەن ورتادا ايتىلدى. قازاقستان جاعىنان جول سالىنعان، ءبىزدىڭ جاقتان، وكىنىشكە قاراي، ءالى جوق. وتكىزۋ پۋنكتتەرى دە تولىقتاي جۇمىس ىستەي الاتىنداي ەمەس، تار بولىپ تۇر"، - دەپ ايتا كەتتى ول.