باحرەيندە سەكس-قۇلدىقتا بولعان قاراعاندىلىق قىز ەلگە ورالدى. جات جەردە جەزوكشەلىك قىزمەت كورسەتكەن وتانداسىمىزدى قۇلدىقتان سول جاقتىڭ پوليسەيلەرى قۇتقارعان بولاتىن، - دەپ حابارلايدى Qamshy.kz كتك ارناسىنا سىلتەمە جاساپ.

سامال ەسىمدى بويجەتكەن ءقازىر استانادا تۇرىپ جاتىر. مۇندا جىگىتىمەن قاۋىشقان ول، كافەگە جۇمىسقا تۇرىپ جاڭا ءومىر باستاپتى. ءتىپتى، تۇرمىس قۇرۋ جايىن دا جوسپارلاپ ءجۇر. ال، تۋعان جەرى قاراعاندىعا بارۋعا قاتتى ۇيالادى ەكەن. وندا اناسى مەن ەكى جارىم جاستاعى بالاسى بارىن ايتا كەتەيىك.

ەندى 18 جاستاعى قىز باسىنان وتكەن سۇمدىق جايتتى تەزىرەك ۇمىتقىسى كەلەدى. ءتىپتى، باحرەينگە الداپ اپارعان قۇربىسى مەن جەڭگەتايلاردىڭ ۇستىنەن ارىز دا جازباعان. دەگەنمەن، ەلىمىزدىڭ سىرتقى ىستەر مينيسترلىگى كىنالىلەر جازاسىن الادى دەپ سەندىرۋدە. نەگىزى، سامال باحرەين استاناسى ماناماعا ءبىر اي بۇرىن ءوز ەركىمەن بارعان. ءبىراق جاقىن تانىسى جۇمىسقا ورنالاستىرامىن دەپ الداپ اپارىپ، جەزوكشەلىكپەن اينالىسۋعا ماجبۇرلەپتى.

سامال:

-نەگە ەكەنىن بىلمەيمىن ارابتار قىتايدىڭ قىزدارىن ۇناتپايدى. سول ءۇشىن ادەيى ايتاتىنمىن قىتايدىڭ قىزىمىن دەپ. سول كەزدە مەنى تاڭدامايتىن مۇلدە. تۋىستارىمنان قاتتى ۇيالىپ ءجۇرمىن. قاراعاندىعا بارامىن كيىمدەرىمدى الۋ ءۇشىن عانا. بالامدى ساعىندىم، مامامدى ساعىندىم.