جاڭاوزەندە ەرەۋىلگە شىققانداردىڭ جالاقىسى ءبىر ميلليونعا دەيىن بارعان، - دەپ حابارلايدى  Qamshy.kz Tengrinews.kz-كە سىلتەمە جاساپ.  

جاڭاوزەندە بۇرعىلاۋ كومپانياسىنىڭ جۇمىسشىلارى وسىمەن بەسىنشى كۇن ەرەۋىلگە شىعىپ جاتىر. ەرەۋىل 30 قىركۇيەكتە باستالعان. قازىرگى ۋاقتتا وعان "بۇرعىلاۋ" جشس-نىڭ 2000-عا تاياۋ جۇمىسشىسى قاتىسىپ جاتىر. ايتا كەتەيىك، بۇل كاسىپورىن "وزەنمۇنايگاز" اق-نىڭ مەردىگەر ۇيىمى. ەرەۋىلگە شىققانداردىڭ ايتۋىنشا، جۇمىسقا شىقپاي قويۋلارىنىڭ سەبەبى - تومەن جالاقى جانە كاسىپوداق ۇيىمىنىڭ ءتوراعاسىن قۋدالاۋ. قازىرگى ۋاقىتتا ەرەۋىلشىلەردىڭ الىپ وتىرعان جالاقىسىنىڭ كولەمى 100 مىڭنان 200 مىڭ تەڭگەگە دەيىن ەكەن. 

"بىزدە ءبىرىڭعاي ەڭبەكاقى جۇيەسى ەنگىزدى، ودان ءبىزدىڭ تاريف مولشەرلەمەلەرىمىز ءتۇسىپ كەتتى. ءقازىر ءبىز ونى كوتەرۋدى سۇراپ وتىرمىز. سونىمەن قاتار، ەكى اي بۇرىن ءبىز كاسىپوداق ۇيىمىمىزدىڭ ءتوراعاسى ەتىپ ساكەن بەگالييەۆتى سايلاعان ەدىك. ەرەجە بويىنشا جينالىپ، داۋىس بەرۋ ارقىلى ونىڭ ۇمىتكەرلىگىن قولدادىق. سول جينالىستا "بۇرعىلاۋ" ج ش س باسشىلىعى دا، زاڭگەر دە بولدى. ال ەندى ءتوراعامىزعا قاتىستى قۋدالاۋ باستالىپ وتىر. وعان قاتىستى ەكى قىلمىستىق ءىس جانە ءتورت اكىمشىلىك ءىس قوزعالدى، ءقازىر ول ءۇي قاماۋىندا. وعان قاتىستى بارلىق ءىستى جاۋىپ، بوساتۋىن تالاپ ەتەمىز"، - دەيدى "بۇرعىلاۋ" ج ش س كاسىپوداق ۇيىمىنىڭ مۇشەسى ىقىلاس يساتايەۆ. 

كەشە "بۇرعىلاۋ" ج ش س وكىلدەرى كاسىپورىنداعى جاعدايعا قاتىستى پىكىر ءبىلدىردى. دۇيسەنباي تاۋشانوۆ "بۇرعىلاۋ" جشس-نىڭ ديرەكتورى بولىپ ءبىر اي بۇرىن عانا تاعايىندالىپتى. كاسىپوداق ءتوراعاسى بەگالييەۆ پەن 1344 جۇمىسشىنىڭ قولى جينالعان تالاپ-ارىز وعان 23 قىركۇيەكتە ءتۇسىپتى. 

جۇمىسشىلار قاراۋعا بەس پۋنكتتى العا تارتىپ وتىر. بىرىنشىدەن، ەڭبەكاقى تولەمىنىڭ ءبىرىڭعاي جۇيەسىنە (ەتبج) ءوتۋ جانە قازىرگى ەتبج مەن 2014 جانە 2015 جىلدارداعى جۇيەمەن ەسەپتەگەندەگى ايىرما قاراجاتىن تولەۋ. ەكىنشىدەن، 2014، 2015 جانە 2016 جىلدارداعى بونۋستاردى تولەۋ. ۇشىنشىدەن، ولار جالاقىنى سەگىز ساعاتتىق جۇمىس كۇنى رەتىندە جالاقى تولەۋدى تالاپ ەتىپ وتىر، ال ج ش س ەكى ايعا ءتورت ساعاتتىق جۇمىس ۋاقىتىنا وتكەن. تالاپتىڭ ءتورتىنشى پۋنكتىندە 2015 جىل بويىنشا ەڭبەك دەمالىسى بويىنشا تۇسىندىرمە ايتىلعان. ال بەسىنشى پۋنكتى - كولىك جۇرگىزۋشىلەرىنە جالاقىنى قايتا ەسەپتەپ بەرۋ، ونىڭ ىشىندە ارنايى تەحنيكامەن جۇمىس ىستەيتىندەر دە بار. 

"بۇرعىلاۋ" ج ش س ديرەكتورى دۇيسەنباي تاۋشانوۆ ەتبج-عا ءوتۋ بويىنشا تالاپتىڭ ورىندالۋى مۇمكىن ەمەس ەكەنىن ايتتى. "بۇل جۇيە بويىنشا تەك ءىرى كومپانيالار جۇمىس ىستەيدى، ءبىز ولاردىڭ ەنشىلەس كومپانياسىمىز. ءبىز قاراپايىم جشس-مىز، مەردىگەرلىك جۇمىستاردى ىستەيمىز. ەتبج مەن ءبىزدىڭ جالاقىمىزدىڭ ايىرماسى بار بولعانى 7-9 پايىز. ونىڭ ۇستىنە، كومپانيا ءقازىر شىعىندالىپ جاتىر. وسى جىلى ءبىز 1 ميلليارد تەڭگەگە قارىزدانىپ قالدىق. قاراشا ايىنىڭ جالاقىسىن تولەۋ ءۇشىن كرەديت الدىق"، - دەيدى تاۋشانوۆ. 

"Mhindustry" ج ش س باس ديرەكتورى تولەگەن اجىبايەۆ بولسا مەردىگەر كومپانيانىڭ جۇمىس كولەمىن ۋاقتىلى ورىنداماي جاتقانىن ايتىپ وتىر. وسىعان دەيىن كومپانيا جىلدام جۇمىس ىستەپ، وسى ءۇشىن بونۋس الىپ وتىرسا، ءقازىر مۇنداي مولشىلىق جوق. جىل باسىنان بەرى 151 ۇڭعىما قازىلىپتى. بۇگىندە تاعى 15ء-ى قالىپ وتىر ەكەن. وسىدان كەيىن تاعى 34 ۇڭعىما بەرگەلى جاتىر. 

"بىزدە ءالى اياقتالماعان ۇڭعىمالار بار، جۇمىس توقتاپ قالدى. بۇل توتەنشە جاعدايعا اكەپ سوعۋى مۇمكىن"، - دەپ مالىمدەدى ول. 

باسشىلارى جۇمىسشىلارىنىڭ تالاپتارىنا تاڭعالىپ وتىرعانىن دا جاسىرمادى. ايتۋلارىنشا، 2014 جىلى جۇمىسشىلاردىڭ جالاقىسى ءبىر ميلليون تەڭگەگە دەيىن بارىپتى. ءقازىر ورتاشا جالاقى 350-400 مىڭ تەڭگە ەكەن. "وزەنمۇنايگاز" ۇڭعىمالاردىڭ سانىن ازايتىپ، جالاقىنى تومەندەتۋدى سۇراپتى. ءبىز وسىنىڭ وزىندە-اق 25 پايىز سىياقى بەرىپ وتىرمىز"، - دەپ اتاپ ءوتتى اجىبايەۆ. 

قازىرگى ۋاقىتتا ەرەۋىلشىلەر مەن كومپانيا باسشىلىعى ءالى كەلىسسوزدەر جۇرگىزىپ جاتىر.