الماتى اۋماعىندا لاڭكەستىك ارەكەتتەر جاساۋدى جوسپارلاعان راديكالدىق توپتىڭ ءۇش مۇشەسى ۇستالدى، - دەپ حابارلايدى Qamshy.kz ۇلتتىق قاۋىپسىزدىك كوميتەتىنىڭ باسپا ءسوز قىزمەتىنە سىلتەمە جاساپ.

«2016 جىلعى 10 قازاندا الماتى قالاسىندا ۇلتتىق قاۋىپسىزدىك كوميتەتىنىڭ قىزمەتكەرلەرى قۇقىق قورعاۋ جانە ارناۋلى ورگانداردىڭ  قىزمەتكەرلەرىنە قاتىستى تەرروريستىك اكتىلەر جاساۋدى جوسپارلاعان راديكالدى توپتىڭ ءۇش مۇشەسىن ۇستادى» دەلىنگەن حابارلامادا.

ارنايى ورگان قىزمەتكەرلەرى ۇستالعانداردان قولدان ىستەلەتىن جارىلعىش قۇرىلعى قۇراۋىشتارى جانە دەتوناتورلار، تەراكتى جاساۋعا ۇندەيتىن دىني-ەكسترەميستىك ماتەريالدار تاپقان.

ۇقك باسپا ءسوز قىزمەىتى وسى جىلدىڭ باسىنان بەرى الماتى قالاسىندا ۇقك ورگاندارى 29 راديكالدى نيەتتەگى تۇلعالاردىڭ قىلمىستىق ارەكەتىنىڭ جولىن كەسكەنىن دە حابارلادى.

جەدەل-تەرگەۋ ءىس-شارالارى جالعاسۋدا.