رياننا تالانتتى، تانىمال ءارتىس. جەر جاھاندا ونىڭ ميلليونداعان جانكۇيەرلەرى بار. ولار ونىڭ ءاربىر ءجۇرىس-تۇرىسىن باقىلاپ وتىرادى. رياننا بولسا تاڭ قالدىرۋدان شارشاعان ەمەس. جاقىندا عانا رياننا نيۋ-يورك قالاسىنداعى ءتىس دارىگەردىڭ قابىلداۋىنان شىعىپ بارا جاتقاندا فوتوكامەراعا ءتۇسىپ قالىپتى. ونىڭ قىزىق كيىنۋ ءستيلى نازاردان تىس قالمادى. رياننانىڭ ارقاسىندا ەرتەڭ قىزدار ەتەگى ۇزىنىراق كيىم كيسە تاڭ قالماۋ قاجەت دەپ حابارلايدى http://qamshy.kz/. ءانشىنىڭ وبرازى مىنانداي بولعان: ۇزىن جەيدەنىڭ ۇستىنە قىسقا بەلدەمشە كيگەن. قىسقاسى، ۇستىڭكى كيىم استىڭقى كيىمنەن ۇزىنىراق بولۋى كەرەك.
جالپى، رياننا ءبىرتۇرلى كيىنەتىندىگىن اتاپ وتپەسە بولمايدى. نەگە ەكەنى بەلگىسىز جۇرت ءارتىستىڭ كيىنۋ ءستيلى، شاش ۇلگىسىنە دەيىن قىزىعىپ قايتالايدى. 2012 جىلى وتكەن شىعارماشىلىق كونسەرتىندە ءانشى شاشىنا افريكالىق ءورىم ياعني درەد جاساتقان ەدى. سودان كەيىن درەد ورگىزگەندەردىڭ سانى كۇرت وسكەنىن ەستەرىڭىزگە سالايىق. رياننا سونىمەن قاتار جەيدە نەمەسە كويلەك سىرتىنا كورسەت (بەلدى قىسىپ تۇراتىن سوزىلمالى جالپاق بەلبەۋ) كيۋدى سانگە ەنگىزدى.
تۇپتەپ كەلگەندە اركىم بارىن، قالاعانىن كيەدى. الايدا قىزداردىڭ كىندىگى اشىق جۇرگەنشە كورسەت، ميني كيگەنشە ۇزىنىراق كيىم ءتۇرىن كيگەنى بىزگە جاقسى. تاعى ەسكەرەتىن ءبىر جايت، ءارتىستىڭ ساحنالىق وبرازى مەن قاراپايىم ادامنىڭ كۇندەلىكتى وبرازىنىڭ ەكى ءتۇرلى بولۋى كەرەكتىگىن ۇمىتپاعان ءجون. ويىنا كەلگەندى ىستەۋ،"ەرەكشە" كيىنۋ اركەز باتىلدىق جانە جوعارى تالعامپازدىق ەمەس.
