ادام باسپاناسىنان ايىرىلعان كەزدە، باسقالار ونى حايۋانعا تەڭەيتىن سياقتى. ارينە، كوبىسى ءوز باسپانالارىن ىشىمدىككە اۋىستىرىپ، ءوز تاعدىرىن، ءومىرىن قورلايدى.
الايدا، قىلمىستىق الاياقتىق قۇرباندارى دا از ەمەس. فيليپپين اۋرۋحاناسىنىڭ جانىندا تۇسىرىلگەن بۇل ۆيدەو جاس انانىڭ دالادا تۋىپ جاتقانى جايلى. سەبەبى، جاس انانى پەرزەنتحاناعا كىرگىزبەگەن. بەيشارانىڭ اقشاسى، ساقتاندىرۋ قاعازى دا بولماعان. ال، تۋۋ ۋاقىتى كەلىپ قالعان. قۋانىشقا وراي، اۋرۋحانا قىزمەتكەرلەرى اكىمشىلىكتىڭ شەشىمىنە قاراماستان، جاس اناعا كومەك كورسەتتى. دارىگەر مامانداردىڭ ارقاسىندا بالا امان-ەسەن تۋىلدى.
روليك الەۋمەتتىك جەلىلەردە كەڭىنەن تارالعان سوڭ، قوعامنىڭ نارازىلىعىن تۋدىردى. وسى ۆيدەودان تۋىنداعان قوعامدىق رەزونانس جاس انا مەن سابيگە جاقسى ىقپال ەتتى. ولاردىڭ ۋاقىتشا باسپاناسى پايدا بولدى.
جاس انا وسى قيىن جاعدايدى ءتوزىپ، جەڭىپ شىعادى دەگەن ويدامىز، ءوزى ءۇشىن بولماسا دا، بالاسى ءۇشىن. وسى ومىردە جاقسى ادامداردىڭ بارىنا شۇكىر! دارىگەرلەردىڭ كومەگىنسىز جاس انانىڭ تاعدىرى قانداي بولار ەدى؟!
ازىرلەگەن: دايانا يشانحان
