ءماجىلىس دەپۋتاتى بەكبولات تىلەۋحان ءبىلىم جانە عىلىم ءمينيسترىنىڭ اتىنا ساۋال جولداپ، وندا قازاقستان مەكتەپتەرىنە احمەت بايتۇرسىن ۇلىنىڭ الىپپەسىن ەنگىزۋدى سۇرادى، - دەپ حابارلايدى Qamshy.kz Baq.kz – كە سىلتەمە جاساپ.

«1913 جىلى الاش ارداگەرى اxمەت بايتۇرسىن ۇلى باسىپ شىعارعان، عاسىردان استام ميلليونداعان جاسوركەنگە وقۋ-جازۋدى ۇيرەتكەن، قازاققا ازىق بولىپ كەلگەن، ءتىلى جەڭىل، 105 جىلدىق تاجىريبەدەن وتكەن الىپپە نەدەن جازىقتى بولدى؟ ەرلان كەنجەعالي ۇلى، وسىعان جاۋىپ بەرىڭىزشى»، - دەيدى دەپۋتات.

ب. تىلەۋحان وزگە ەلدەردى مىسال رەتىندە كەلتىرە وتىرىپ، مينيستردەن رەسمي جاۋاپ كۇتەتىنىن جەتكىزدى.

«وسىنىڭ ورنىن باسقان ساۋات اشۋ دەگەن بار. ساۋات اشۋ دەگەن ورىسشا «ليكۆيداسيا بەزگراماتنوستي» دەپ اۋدارىلادى. بۇل بۋىنى قاتپاعان جاس بالاعا ەمەس، ەرەسەك ادامعا ارنالعان. سلوۆيان xالىقتارىنىڭ «بۋكۆارى» 1618 جىلى جارىق كورگەن. ءتورت عاسىرعا جۋىق تاريxى بار. زامانعا ساي وزگەرتىلىپ، تولىقتىرىلىپ وتىرادى، ونىڭ وزىندە كەمى بەس جىل تاجىريبەدەن وتكىزبەي كىرگىزبەيدى. ال ءبىز شە؟ ءبىرىنشى سىنىپتىڭ بالاسىنا ورىس، اعىلشىن ءتىلىن قوسىپ وقىتىپ ميىن اشىتامىز. ۇشتىلدىلىك قاجەت. ءبىراق ونى ءبىرىنشى سىنىپتان باستاۋ دۇرىس ەمەس»، - دەيدى ب. تىلەۋحان.