كۇيەۋى باقىتبەك ەسەنتايەۆتىڭ 9 جىلعا باس بوستاندىعىنان ايىرىلعانىنا قاتىستى  بايان ەسەنتايەۆا ينستاگرام پاراقشاسىندا ءوز پىكىرىن ءبىلدىردى،- دەپ حابارلايدى Qamshy.kz.  

 پروديۋسەر وندا بىلاي دەپ جازعان: «مەن ونى كەشىردىم،زاڭ جوق.  ءومىر وسىلاي، ءبىزدىڭ جانە بالالارىمىزدىڭ  تاعدىرى وسىلاي بولدى.  بولعان وقيعا ءۇشىن مەنىڭ جانىم ادام توزگىسىز جاعدايدا اۋىرادى، ءبىر-بىرىمىزدى تۇسىنە الماعانىمىز ءۇشىن، بالالاردىڭ كوز جاسى ءۇشىن،  ويلانباي جاساعان شەشىمدىر ءۇشىن.  مەن سىنعا ، قوعامنىڭ پىكىرىنە ۇيرەنىپ كەتكەلى قاشان، ءاردايىم قارسى تاراپ بولادى، ەشكىم ءوز ءومىرىن بولجاي المايدى، ءبارىمىز دە پەندەمىز،  ءارقايسىسىمىزدىڭ قاتەلەسۋگە قاقىمىز بار. 

مەن ومىرىمدە بولعان بۇل وقيعانىڭ دۇرىس-بۇرىستىعىن بىلمەيمىن، مۇنى تەك ۋاقىت كورسەتەدى.  جۇرەكتىڭ اقىلعا باعىنبايتىن كەزى بولادى، مەنىڭ باسىمدا دا وسىنداي جاعداي.  ءارقايسىسىمىز ءوز جازامىزدى الدىق. زاڭ بارىنە بىردەي. 22 جىل بىرگە تۇرعان ومىرىمىزدە، ونىڭ جاقسى اكە ەكەنىن سەنىمدى تۇردە ايتا الامىن. ارينە بالالاردى جالعىز تاربيەلەۋ ماعان قيىن بولادى، ءبىراق مەن بارىنە شىدايمىن، بارىنە توزەمىن!  مەن ەشقاشان وزىمە قۇربان ادامنىڭ ءرولىن العان ەمەسپىن،ول مەنىڭ وقيعام ەمەس.  مەنىڭ جانە مەنىڭ بۇرىنعى جارىمنىڭ وقيعاسى اياقتالماعانىنا سەنىمدىمىن، ول وتە مىقتى ادام، مەن وعان  دەنساۋلىق پەن كۇش-قايرات تىلەيمىن، الدا جاقسى ومىرگە دەگەن ءۇمىت بار. مەن ايتارىمدى ايتتىم، وسى ماسەلەگە بايلانىستى  ب ا ق وكىلدەرىنىڭ ەندى مەنى مازالاماۋىن وتىنەمىن!»