يندونەزيالىق سۋلاۆەسي ارالى ءوزىنىڭ ەرەكشە پىشىنىمەن اتاقتى (ءتورت بىردەي تۇبەكتەن تۇرادى). سۋلاۆەسي - يندونەزيانىڭ ەڭ ءىرى ارالدارىنىڭ ءبىرى. الايدا بۇل ارالدا اقىلعا قونبايتىن وقيعالار بولىپ تۇرادى. ءۇش جىلدا ءبىر رەت تورادجي حالقى ءوز تۋىستارىن قابىردەن قازىپ الادى.

بۇل «ولىكتەردى تازارتۋ ءراسىمى» دەپ اتالاتىن فەستيۆال اياسىندا وتەدى. تورادجي حالقىنىڭ عاسىرلىق ءداستۇرى كەز كەلگەن ەۋروپالىقتى تاڭ قالدىرادى.

جالپى، بۇل حالىق ءۇشىن كەز كەلگەن جەرلەۋ ءراسىمى – وتە ماڭىزدى شارا. سونىمەن قاتار، بۇل ءراسىم جوعارعى دەڭگەيدە ءوتۋى قاجەت. ءتىپتى، كەيبىر جاعدايلاردا، كەرەكتى اقشانى جيناپ الۋ ءۇشىن جەرلەۋ ءراسىمىن ءبىر جىلعا كەيىنگە قالدىرادى. مانەنە (فەستيۆالدىڭ جەرگىلىكتى اتاۋى) فەستيۆالى كەزىندە قابىرلەردى قازىپ الىپ، مايىتتەردى شىعارىپ، ولاردى جاڭا ءارى ادەمى كيىمگە كيىندىرەدى. تاعى ەسكەرەتىن جايت، سۋلاۆەسي ارالىنىڭ تۇرعىندارى ءۇشىن ءقابىردىڭ ءوزىن دە اۋىستىرۋ وتە ماڭىزدى، جاڭا قابىردە ءمايىت تەز بۇزىلماس ءۇشىن.

تورادجي حالقىنىڭ تۇرعىندارى ءوز اۋىلدارىنان ەشقاشان قونىس اۋدارمايدى. ويتكەنى، مارقۇمنىڭ رۋحى تۋىلعان جەرىندە قالۋى كەرەك دەپ ەسەپتەيدى. ەگەر تورادجي ادامى باسقا ەلدە قايتىس بولسا، ونىڭ تۋىستارى ەلىنە قايتارۋعا تىرىسادى. ولار تاۋ جاقتا ءومىر سۇرەدى، وتكەن عاسىردىڭ 70ء-شى جىلدارىنا دەيىن وقشاۋلانىپ كەلدى. ءبىز ونى تۇسىنە الماسپىز. بۇل ءداستۇر يندونەزيادا بۇگىنگى كۇنگە دەيىن ساقتالىپ كەلەدى. بۇگىنگى تاڭدا، تۋىستارىمىزدىڭ مايىتتەرىن قابىرلەرىنەن قازىپ الۋدى، ءتىپتى ەلەستەتۋ دە مۇمكىن ەمەس...

قامشىگەر: يشانحان دايانا