سەرىك احمەتوۆ اپەللياسيالىق شاعىم ءتۇسىردى. بۇرىنعى پرەمەر-مينيستر №2 قازىبەك بي اۋداندىق سوتىنىڭ شەشىمىنە شاعىم تۇسىرمەكشى. سوتتىڭ شەشىمىنە سايكەس، سەرىك احمەتوۆ پەن وسى ىستەگى تاعى ءتورت فيگۋرانت مەملەكەتكە 150 ميلليون تەڭگە تولەۋگە مىندەتتەلگەن بولاتىن، - دەپ حابارلايدى Tengrinews.kz.

«سوتقا سەرىك احمەتوۆتىڭ، باۋىرجان ابدىشيەۆتىڭ جانە ايدوس جاكەنوۆتىڭ اتىنان اپەللياسيالىق شاعىمدار كەلىپ ءتۇستى. ولار ءبىرىنشى ينستانسيالى سوتتىڭ 17 قازاندا مەملەكەتكە 150 ميلليون تەڭگە ءوندىرىپ الۋ تۋرالى شىعارعان ۇكىمىنە شاعىمدانباقشى. بۇل شاعىمدار وبلىستىق سوتقا جىبەرىلەتىن بولادى»، - دەدى № 2 قازىبەك بي اۋداندىق سوتىنىڭ باسپا ءسوز قىزمەتىندەگىلەر.

ەسكە سالساق، قازاقستاننىڭ بۇرىنعى ءمينيسترى سەرىك احمەتوۆكە جەمقورلىق سيپاتتاعى التى قىلمىس بويىنشا  ايىپ تاعىلعان بولاتىن، ولاردىڭ قاتارىندا اسا ءىرى كولەمدە پارا الدى (تەرگەۋدىڭ تۇجىرىمىنشا، 2 ميلليون 400 مىڭ دوللار - اۆتور.)، اسا ءىرى كولەمدە بيۋدجەت قارجىسىن جىمقىردى، لاۋازىمىن اسىرا پايدالاندى جانە كاسىپكەرلىك قىزمەتكە زاڭسىز ارالاستى دەگەن ايىپتار بار. ال وسىعان دەيىن قاراعاندى وبلىسىنىڭ بۇرىنعى اكىمى باۋىرجان ابدىشيەۆ قىزمەتتىك وكىلەتتىگىن تەرىس پايدالانعانى ءۇشىن ق ر قىلمىستىق كودەكسىنىڭ 307-بابى بويىنشا ايىپتالعان ەدى. وعان "مەملەكەتتىك ساتىپ الۋلار تۋرالى" زاڭدى جەكە ماقساتى ءۇشىن بۇزا وتىرىپ، تەندەرلەردە جەكەلەگەن فيرمالاردىڭ مۇددەسىن قورعادى دەگەن ايىپ تاعىلدى.

سەرىك احمەتوۆ 2014 جىلى قاراشادا قاماۋعا الىندى. وسىدان كەيىن قاماۋ مەرزىمى ۇزارتىلدى.

ال كەيىنىرەك سەرىك احمەتوۆتىڭ ءىسى بويىنشا سوتتالعان ادامنىڭ مەرزىمىنەن بۇرىن شارتتى تۇردە بوساتىلعانى حابارلانعان بولاتىن. 

«سوتتالۋشىنىڭ ءوتىنىشى قاناعاتتاندىرىلسىن. قاراعاندى وبلىستىق قىلمىستىق ىستەر بويىنشا مامانداندىرىلعان اۋداندىق سوتتىڭ شىعارعان ۇكىمىمەن سوتتالعان دارىبەكوۆ ەرنار مارات ۇلى مەرزىمىنەن بۇرىن شارتتى تۇردە بوساتىلسىن. ەكى جىلعا باس بوستاندىعىنان جانە مەملەكەتتىك مەكەمەلەردە 5 جىلعا دەيىن قىزمەت ەتۋ قۇقىعىنان ايىرىلسىن»، - دەلىنگەن سوتتىڭ قاۋلىسىندا. ايتا كەتەيىك، دارىبەكوۆ 5 شىلدەدە بوساتىلدى.