44-جاستاعى گۇلنارا كارىموۆا  وزبەكستان ۇلتتىق قاۋىپسىزدىك قىزمەتىنىڭ  مالىمەتىنشە  كوز جۇمعان، ونى بىرەۋلەر قاراشانىڭ 5 كۇنى  ۋلاپ ولتىرگەن دەيدى ءوزىنىڭ ءاتى-جونىن جاسىرىپ ۇستاعىسى كەلگەن دەرەكوز. سول كۇنى تۇندە ونى تاشكەنتتەگى «مينور»  مازارىنا جەرلەپ، ءقابىرىن تەگىستەپ  قويعان،- دەپ جازادى Zakon.kz Inozpress.kg سىلتەمە جاساپ.

دەرەكوزدىڭ ايتۋىنشا، ول ءوزى گۇلنار كارىموۆانىڭ جەرلەۋىنە قاتىسقان،  ال س-1 تەلەفون ارقىلى اقپارات بەرىپ وتىرۋىنىڭ سەبەبى، گۇلنارانىڭ ۇلى يسلام مەن قىزى يماننىڭ قاۋىپسىزدىگىنە الاڭداۋلى. ولار ءقازىر تاشكەنتتە قولداۋسىز، ەش قۇقىقسىز قالعان.

« گۇلنارانى كورسەتىڭدەر»

گۇلنارانىڭ ءولىمى جايلى اقپارات الەۋمەتتىك جەلى ارقىلى دا تاراپ جاتىر.  «تۆيتتەردەگى» «گۇلنارانى كورسەتىڭدەر» اككاۋنتى جۋرناليستەر مەن حالىقارالىق ساراپشىلارعا ارنالعان، وندا كارىموۆانىڭ ءولىمىن مىسالعا ايتا كەلىپ، تىم قۇرىعاندا ونىڭ ءتىرى ەكەنىنە كوز جەتكىزۋ ءۇشىن ۆيدەوۇندەۋىن بولسىن كورسەتىڭدەر دەپ تالاپ ەتۋدە.

 گۇلنارانىڭ اتىنان جازىپ جاتقان باسقا اككاۋنت ونىڭ ءتىرى ەكەنىن كورسەتۋ ءۇشىن بارن سالىپ، ارحيۆتەگى ەسكى فوتولاردى جاريالاۋدا.

قاراشانىڭ 22 كۇنى قولىندا تەلەفونى بار سەلفي جاساعان گۇلنارا كارىموۆاعا قاراپ، «وزبەك حانشايىمى» ءتىرى ەمەس سياقتى دەگەن وي سالادى،- دەپ جازادى باسىلىم.

 سەبەبى، جەلىدە بۇل سۋرەتتىڭ جۇرگەنىنە ءبىراز بولعان، تەك ارتتاعى ءتۇسقاعاز بەن قولىنداعى تەلەفونى عانا باسقا دەمەسەڭىز.

بيلىك ءۇنسىز

ب ا ق وكىلدەرى گۇلنارانىڭ ولىمىنە قاتىستى اقپاراتتى  وزبەكستان بيلىگىنەن رەسمي انىقتاماق بولعان. جاقىندا ءور پرەزيدەنت اپپاراتىنىڭ باسپا ءسوز –قىزمەتىنە جۋرناليستىك سۇرالىم جىبەرىلگەن. وندا توەندەگىدەي ماسەلە كورسەتىلەدى:

1. 44-جاستاعى گۇلنارا كارىموۆانىڭ 5ء-شى قاراشا قازا بولعانى راس پا؟

2.  مەديسينالىق كۋالىك بولدى ما نەمەسە ساراپتاما قورتىندىسى بار ما؟

3.  تاشكەنتتەگى «مينور» قابىرىندە جەرلەنگەنى راس پا؟

4.  ول ءتىرى بولسا، ەل الدىنا شىعۋعا مۇمكىندىك جاسار ما ەدىڭىزدەر؟

5. ونىڭ ءوىلى كىم ءۇشىن ماڭىزدى؟  ول ءبىرىنشى پرەزيدەنتتىڭ قىزى رەتىندە مەمۇيىمنىڭ قاراۋىندا ما؟

6. ونىڭ بالالارى – يسلام مەن يمان قايدا؟

7.  ءبىرىنشى پرەزيدەنتتىڭ وتباسىنا پرەزيدەنت اپپاراتى جاۋاپكەرشىلىك الا ما؟  ولاردا قورعاۋ مەن باسقا دا جەڭىلدىكتەر بار ما؟

ماقالا جازىلۋى كەزىندە ءور پرەزيدەنت اپپاراتى سۇراقتارعا جاۋاپ بەرمەگەن. وزبەكستان مينيسترلەر كابينەتى جانە بولاشاق پرەزيدەنت شاۆكات ميرزيويەۆتىڭ س-1 ولارعا گۇلنارا جايلى ەشتەڭە ءمالىم ەمەس ەكەنىن ايتقان.  

«حانشايىم» جانە تۆيتتەر

گۇلنارا كارىموۆا،  ءوز كەزەگىندە وزبەكستانداعى ىقپالدى ادامداردىڭ ءبىرى بولعان، اكەسىنىڭ ولىمىنەن كەيىن مۇراگەر رەتىندە دە قاراستىرىلعان.

شۆەساريادا  800 ملن دوللار قارجىسى  ساقتالعان ەسەبى قۇرىقتالعان.  ەۋروپاعا بارۋعا مۇمكىندىگى بولماعان گۇلنارا تاشكەنتتە وتىرىپ قالدى، وسىلايشا ونىڭ ارالاساتىن ورتاسى تارىلىپ، تەك تۆيتتەردە عانا جان ايقايىن ايتا الاتىن جاعدايعا جەتكەن. ول وسىلايشا وزىنە قارسى بولعان  اناسى تاتيانا، كىشكەنە ءسىڭىلىسى لولانىڭ بار بىلىعىن اشۋعا تىرىستى.  ول ەلدە پرەزيدەنت تاعى ءۇشىن تالاس باستالعانىن جانە ونى قارسىلاس رەتىندە ىسىرىپ جاتقانىن جازعان.   

يسلام كارىموۆتىڭ ولىمىنەن كەيىن قىركۇيەكتىڭ 2 گۇلنارا مەن بالالارى جەرلەۋدە بولماعان.  ەلدىڭ بولاشاق كوشباسشىسى ميرزيايەۆ، كارىموۆتەر وتباسىنا كوڭىل ايتا وتىرىپ،  گۇلنارانىڭ ەسىمىن اتاماعان بولاتىن، وندا تەك لولانىڭ ەسىمى ايتىلدى.

 دەرەكوز گۇلنارانىڭ ءولىمى جايلى اقپارات وتىرىك ەمەس ەكەنىن ايتۋدا.  ول ەل بيلىگى ونى ەشقاشان كورسەتە المايتىنىن، سەبەبى ەندى ونىڭ جوق ەكەنىن ايتتى.  كارىموۆتىڭ ءبىر عانا قىزى قالدى دەپ جۇرگەن ميرزيايەۆ شىنىمەن دە راس اقپارات ايتىپ جۇرگەن بولار.