ءۇندىستان، ءۇندى جۇڭگو، وڭتۇستىك قىتايدا وسىرىلەتىن سيترۋستى جەمىس ءوزىمىزدىڭ وڭتۇستىك قازاقستان وبلىسىنىڭ تولەبي اۋدانىنا دا كەلدى. العاشىندا جۇرەكسىنىپ جۇرگەندەر،  تاۋەكەلگە بارىپ، جىلىجايلاردا سىناق رەتىندە وسىرە باستادى.

ليمون باپتاۋدىڭ تاسىلدەرىن مەڭگەرگەن كيم يۋريي الەكسەيەۆيچ  كوكسايەك ەلدى مەكەنىندە 0،07 گا  جىلىجايدا ليمون ءوسىرۋدى قولعا العان. جىلىجايدا 400-گە جۋىق ليمون كوشەتى وتىرعىزىلعان. كاسىپكەردىڭ ءۇمىتى اقتالىپ، ناتيجە شىعا باستاعان سوڭ، ونى كاسىپكە اينالدىرۋ كوزدەلدى. ءۇش جىل بۇرىن ەگىلگەن كوشەتتەر بابى كەلىسكەن بولۋ كەرەك، بيىل-اق العاشقى نىشاندارىن كورسەتە باستادى. كاسىپكەر يۋريي الەكسەيەۆيچ  ءوز قاراجاتىنا سالعان بۇل ليمونارييگە اسقان توزىمدىلىك قاجەت ەكەنىن ايتتى. وسىعان قاراپ، باسقا بانان، كيۆي سياقتى تروپيكالىق جەمىستەردى ەش قورىقپاستان جىلىجايلاردا وسىرۋگە بولاتىن سياقتى.

بيىكتىگى 3-6 مەترگە جەتەتىن بۇل وسىمدىكتىڭ ۇيدە وسىرىلەتىنى 2 مەترگە دەيىن جەتەدى. 60 جىل جاسايتىن ليمون اعاشى ءۇي جاعدايىندا 40 جىل ءومىر سۇرەدى. ۇرىعىن وسىرسە، 40 كۇننەن كەيىن كورىنە باستايدى. العاشقى جەمىسىن 6-10 جىلدا بەرەدى، باياۋ وسەدى. 

ايتا كەتەيىك، وڭتۇستىك قازاقستان وبلىسىنىڭ تاعى اۋدانى تۇلكىباستا الما وسىرىلۋدە. ارىس قالاسى اكىمدىگىنىڭ باسپا ءسوز قىزمەتىنىڭ حابارلاۋىنشا، ارىس قالاسىنا قاراستى اقدالا اۋىلدىق وكرۋگىندە الما تەرۋ ناۋقانى قىزۋ ءجۇرىپ جاتىر. «اگروبيزنەس 2020» باعدارلاماسى اياسىندا مەملەكەتتكەن قولداۋ تاۋىپ، «اگروفيرما جاڭا اقدالا» جاۋاپكەرشىلىگى شەكتەۋلى سەرىكتەستىگىنىڭ 17 0گا جەرگە گوللانديالىق جانە «سەمەريانكا» الما اعاشتارىنىڭ 2 سۇرپى وتىرعىزىلعان.