بيىل وڭتۇستىك قازاقستان وبلىسىنىڭ ارىس قالاسى بويىنشا 5239 گەكتاردان استام جەرگە ەگىلگەن باقشا ونىمدەرىنەن بۇگىنگى تاڭعا دەيىن 104178 توننا ءونىم الىندى.

سىر انا مەن ارىس وزەنىن تەل ەمگەن ارىس قالاسىنىڭ ديقاندارى وزدەرىنىڭ باقشا ونىمدەرىن (قاربىز-قاۋىن)  وبلىس ورتالىعى شىمكەنت قالاسى مەن ەلىمىزدىڭ استانا، الماتى، اقتاۋ، اتىراۋ، اقتوبە  قالالارىن قامتىدى.

قازىرگى تاڭدا باقشا ونىمدەرىنىڭ ەكسپورتى ەۋرو وداق ەلدەرىنە شىعا باستادى. مىسالى، «اققالا» كووپەراتيۆى قاۋىن ونىمدەرىن گەرمانيا، بالتىق ەلدەرىنە، رەسەي فەدەراسياسىنىڭ استاناسى ماسكەۋ قالاسىنا، ءنوۆوسىبىر، پەنزا، سامارا وبلىستارىنا  جونەلتىلۋدە.

جىلداعى ونىممەن سالىستىرعاندا ءونىمدى مولىنان العان ارىستىق ديقاندار الا جازداي ەتكەن ەڭبەكتەرىنىڭ اقتالعانىنا قۋانىشتى.

ايتا كەتەيىك، وڭتۇستىك قازاقستان وبلىسىنىڭ  استاناداعى كۇندەرى اياسىندا وبلىستىق ونەركاسىپ وندىرۋشىلەردىڭ كورمەسى مەن اۋىل شارۋاشىلىعى ونىمدەرىنىڭ جارمەڭكەسىنە ارىس اۋدانىنىڭ ونىمدەرى دە جونەلتىلدى.

وڭىردەن باس قالاعا 300 توننادان استام اۋىل شارۋاشىلىعى ونىمدەرى تيەلگەن كەرۋەن جولعا شىقتى. مەرەيتويعا تارتۋ رەتىندە وڭتۇستىكقازاقستاندىق ديقاندار ءوز ونىمدەرىن نارىقتاعى باعادان 15-20 پايىزعا ارزان ساۋدالاماق.

سونىمەن، جالپى كولەمى 304 توننا بولاتىن ونىمدەردىڭ قۇرامىندا 60 توننا ەت جانە ەت ونىمدەرى، 126 توننا كوكونىس، 29 توننا جەمىس-جيدەك، 7 تن ءسۇت ونىمدەرى، 5 تن شۇبات، 25 مىڭ دانا جۇمىرتقا، 40 تن باقشا ونىمدەرى، 7 تن بالىق، 7 تن بال، 3 تن وسىمدىك مايى مەن 5 تن كەپتىرىلگەن جەمىس 15 تن باسقا دا ونىمدەر بار.