ق ر ءماجىلىسىنىڭ دەپۋتاتتارى مەن كەيبىر ۇلتتىق كومپانيالار جاڭا جىلدىق كورپوراتيۆتىك كەشتەردى وتكىزۋدەن باس تارتقان. Tengrinews.kz حابارلاعانداي،

"بىزدە ەشقانداي كورپوراتيۆتەر جوسپارلانباعان. ءبىز قاتاڭ جۇمىس كەستەسى بويىنشا ىستەيمىز جانە ءقازىر پارلامەنت سايتىنان كورۋگە بولادى. جاڭا جىلدا بىزدە دە ءتورت كۇندىك دەمالىس بولادى، ال 4 قاڭتاردا رەگلامەنت بويىنشا ءبىز ايماقتارعا ساپارلايمىز. ايماقتاردا، شالعاي اۋدانداردا جۇمىس ىستەيمىز، حالىقپەن كەزدەسۋ وتكىزەمىز. پارلامەنتتە قىدىرىپ كەتەتىن دەمالىستار دا بولمايدى، بۇل جاقسى ما، جامان با - وزدەرىڭىز شەشەرسىزدەر"، -  دەپ مالىمدەگەن ق ر ءماجىلىسىنىڭ دەپۋتاتى پاۆەل كازانسيەۆ.

ماجىلىسىمەن يرينا ارونوۆا دا دەپۋتاتتاردىڭ جاڭا جىل قارساڭىندا ەشقانداي كورپوراتيۆتى كەشتەر ۇيىمداستىرمايتىنىن راستاپ، بۇل وتباسىلىق مەيرام جانە وشاق قاسىندا اتالىپ وتەتىنىن ايتتى. 

"ءبىز جاڭا جىلدىق كورپوراتيۆتەر وتكىزبەيمىز، ءبىراق كومپانيا جىل سايىن الماتىنىڭ تۇركسىب اۋدانىنداعى كەمتار جانە جاعدايى تومەن وتباسىنداعى بالالارعا سىيلىقتار بەرەدى"، - دەيدى بۇل ماسەلە بويىنشا Air Astana اۋە كومپانياسىنىڭ وكىلدەرى.

"سامۇرىق-قازىنا" كومپانياسىندا دا، بيۋدجەت ەسەبىنەن كورپوراتيۆتى مەرەكەلىك كەشتەر ۇيىمداستىرىلمايتىنىن، دەگەنمەن، قىزمەتكەرلەردىڭ ءوز قالتاسىنان مەرەكەلىك شارالار ۇيىمداستىرۋى دا سوگىسكە جاتپايتىنىن ايتتى.