الماتىدا ءداستۇرلى ەمەس ءدىني اعىم وكىلدەرى جينالاتىن ورىندارعا باقىلاۋ جۇرگىزىلىپ جاتىر، بۇل تۋرالى Tengrinews.kz حابارلايدى.
ونىڭ ايتۋىنشا، الماتىدا راديكال بولۋى مۇمكىن تۇلعالاردى انىقتاۋ بويىنشا جۇمىس جۇرگىزە وتىرىپ، قۇزىرلى ورگاندار ادامدى راديكالدارعا سىرت كەلبەتىمەن ۇقساس كەلەتىن ادامداردى ۇستاۋى مۇمكىن. "قالا ۇلكەن. وسى يدەيالاردى ۇستاناتىندار بار. ولار ءبىزدىڭ ارامىزدا ءومىر ءسۇرىپ ءجۇر، وقيدى، جۇمىس ىستەيدى، مەشىتكە بارادى، زاڭعا قايشى كەلمەۋى مۇمكىن. تەك زاڭ بۇزىلسا عانا جاۋاپقا تارتىلادى. ءبىراق، تەك سىرت كەلبەتىنە قاراپ ۇستاۋعا بولمايدى. ادام قاتەلەسەدى. بىرەۋلەر بۇرىس باعىت بەرگەن بولۋى مۇمكىن. ولارمەن اڭگىمەلەسسە، دۇرىس جولعا ورالىپ تا جاتادى"، - دەيدى ەسەنبەكوۆ.
ونىڭ سوزىنشە، قالادا راديكالدى يدەيالار ناسيحاتتالىپ، ادامداردى ءوز جاعىنا تارتۋى مۇمكىن ورىندارعا باقىلاۋ جۇرگىزىلەدى.
"ولار جينالاتىن بىرنەشە مەشىت بار. (...) ساۋداگەرلەرى ءداستۇرلى ەمەس اعىمدا جۇرگەنىن بايقاتاتىن بىرنەشە ساۋدا ءۇيى مەن بازارلار بار. CarCity اۆتوبولشەكەتەر بازارى بار، اەروۆوكزال بار، تەلەفون ساتادى ول جەردە، نازارىمىزعا تۇسكەن تاعى ءبىر ورىن كوك بازارداعى ساۋدا نۇكتەسى. باراحولكاداعى كەي بازارلار، ءدىني وقۋلىقتار ساتىلاتىن ورىندار"، - دەيدى ۆەدومستۆو باسشىسى.
سونىمەن قاتار ايدار ەسەنبەكوۆ دىنگە بەت بۇرعىسى كەلگەن، ءبىراق، راديكالدى اعىمدار جەتەگىندە كەتىپ قالعىسى كەلمەيتىن تۇرعىندارعا ءوز ۇسىنىستارىن ايتتى.
"مەن بىردەن ايتايىن نامازعا جىعىلعىسى نەمەسە يسلامعا بەت بۇرعىسى كەلگەن ادام مەشىتتە قىزمەت اتقاراتىن رەسمي يمامعا بارۋى كەرەك. كوشەدە بىرەۋلەرمەن بۇل ماسەلە بويىنشا تىلدەسۋدىڭ كەرەگى جوق. ەگەر ءباز بىرەۋلەر ءدارىس تىڭداۋعا شاقىرسا، فيلم كورگۋە شاقىرسا، بىردەن قاۋىپتەنۋ قاجەت. ونىمەن بارماسىن، مەشىتكە بارسىن"، - دەپ ءوز كەڭەسىن بەردى ەسەنبەكوۆ.
سونىمەن بىرگە، ول ءدىن ىستەرى كوميتەتى قانداي كىتاپتار وقۋعا بولاتىنىن جانە مەشىت مەكەنجايلارى كورسەتىلگەن 20 سايتتىڭ ءتىزىمىن جاريالاعانىن اتاپ ءوتتى.
