ەلباسى نۇرسۇلتان نازاربايەۆ استانا قالاسىن وزگەرتۋگە قاتىستى پىكىر ءبىلدىردى، - دەپ حابارلايدى Qamshy.kz اقوردانىڭ باسپا ءسوز قىزمەتىنە سىلتەمە جاساپ.

پرەزيدەنت ن. نازاربايەۆ جاڭعىرتۋ جونىندەگى ۇلتتىق كوميسسيا وتىرىسىندا پارلامەنت دەپۋتاتتارىنىڭ استانا اتاۋىن وزگەرتۋ تۋرالى باستاماسىنا پىكىر ءبىلدىردى.

«قاي نارسە بولسا سوعان «نۇر» دەگەن ءسوزدى قوسادى. ول مەنىڭ تۇلعاممەن بايلانىستى بولىپ شىعادى. ونى مەن تالاي ايتقانمىن. اناعان دا، مىناعان دا الىپ كەلەدى دە پارلامەنت استانانى مەنىڭ اتىممەن اتاۋ تۋرالى بولجام ايتىپتى. مەن ەشكىمگە ونداي ۇسىنىس ايتقان جوقپىن»، - دەگەن ەلباسى تاۋەلسىزدىك جىلدارىنداعى ەل جەتىستىكتەرى جالعىز ءوزىنىڭ ەڭبەگى ەمەس ەكەندىگىن، سەنىمدى سەرىكتەرىنىڭ كۇش بىرىكتىرۋى ناتيجەسىندە قول جەتكىزىلگەنىن اتاپ ءوتتى.

«بۇل ماسەلەنىڭ سىرتقى بولىگى. ناقتى ناتيجەلەرمەن، ماسەلەنىڭ ىشكى بولىگىمەن اينالىسۋ كەرەك»، - دەگەن ن. نازاربايەۆ بۇل ماسەلەدە سالماقتى، ەلگە پايدالى شەشىم قابىلداناتىنىن ايتتى.