18-21 قاراشا ايىندا zakon.kz پورتالىندا وتكەن «مينيسترگە سۇراق قوي» اتتى ونلاين-كونفەرەنسيادا ق ر ءبىلىم جانە عىلىم ءمينيسترى اسلان سارىنجىپوۆكە قويىلعان سۇراقتاردىڭ ءبىر پاراسىن جابىمەن ىقشاماداپ بەرۋدى kazbilim.kz سايتى ءجون ساناپتى.
ق ر ءبىلىم جانە عىلىم ءمينيسترى وقىرمان سۇراقتارىنا ءبۇي دەيدى:
وقىرمان: قازاقستاندا 2016 جىلدىڭ 1 قاڭتارىنان باستاپ مەكتەپتەردە سەنبى كۇنگى ساباقتار شىنىمەن الىپ تاستالادى ما؟
مينيستر: بۇگىندە 6 كۇندىك وقىتۋدى الىپ تاستاۋ ماسەلەسى تۇرعان جوق. قانداي دا ءبىر وزگەرتۋلەر تەك جەرگىلىكتى ورگانداردىڭ شەشىمىمەن عانا ەنگىزىلۋى مۇمكىن.
وقىرمان: مەن اتا-انامىن، ءقازىر مەكتەپتە 11 سىنىپ وقۋشىلارى اپتا سايىن الدىن الا تەستىلەۋدەن ءوتىپ تۇرادى، ول تەستىلەۋدىڭ قۇنى ءار بالاعا 360 تەڭگە، بۇل اتا-انالاردىڭ قالتاسىنا سالماق سالۋدا، مەكتەپتىڭ وسى ءىسى قانشالىق زاڭدى؟
مينيستر: الدىن الا سىناقتار ۇبت-عا قارساڭىندا دايىندىقتى شىڭداۋ دانە اتالعان پاندەر بويىنشا بالا ءبىلىمىن انىقتاۋ ءۇشىن قاجەت. تۇلەكتەر اتالعان سىناققا ءوز ەركىمەن قاتىسادى. مەكتەپ اكىمشىلىگى ولاردى كۇشتەۋگە نەمەسە ادىستەمەلىك قۇرالداردى ساتىپ الۋعا ماجبۇرلەۋگە قۇقىلى ەمەس. 2016 جىلدىڭ قاڭتارىنان باستاپ، ۇبت تەستىلەرىنىڭ بازاسى ءبىلىم جانە عىلىم مينيسترلىگىنىڭ جانە ۇلتتىق سىناق ورتالىعىنىڭ سايتتارىندا جاريالانادى.
وقىرمان: مەكتەپتەگى قازاق ءتىلى مەن اعىلشىن ءتىلىنىڭ وقىتىلۋ ساپاسى تۋرالى نە ايتاسىز؟
مينيستر: كەمبريدج ادىستەمەسى بويىنشا، جالپى ءبىلىم بەرۋ مەكتەپتەرىنىڭ 1-11 سىنىپتارىنا ارنالعان قازاق ءتىلىن وقىتۋدىڭ دەڭگەيلىك ءبىلىم بەرۋ باعدارلامالارى جاساقتالدى. بيىل جاڭا وقۋلىقتار مەن وقۋ-ادىستەمەلىك قۇرالدار كەشەنى سىناقتان وتۋدە. 2017 جىلدىڭ قىركۇيەگىنەن باستاپ، ەلدەگى مەكتەپتەردە قازاق ءتىلىن دەڭگەيلىك وقىتۋ ەنگىزىلەدى. اعىلشىن ءتىلى بريتان باسپاسىنان شىققان وقۋلىقتارمەن وقىتىلۋدا. اعىلشىن ءتىلىنىڭ اپتاسىنا تەك ەكى ساعات قانا وتكىزىلۋىنەن ءبىلىم ساپاسى تومەن قالىپ وتىر.
وقىرمان: ۇبت – عا بايلانىستى قانداي وزگەرىستەر بولۋى مۇمكىن؟
مينيستر: مينيسترلىكتە ۇبت-نىڭ فورماتىن وزگەرتۋ بويىنشا ارنايى جۇمىس توبى قۇرىلدى. سىزدەر كوتەرىپ جاتقان بارلىق ەسكەرتپەلەر نازارعا الىنۋدا. اتالمىش ماسەلەلەردى شەشۋ جولىندا جانە پسيxولوگيالىق، الەۋمەتتىك اۋىرتپالىقتى باسەڭدەتۋ ءۇشىن ۇبت-نى بىرنەشە رەت قايتارا تاپسىرۋ مۇمكىندىگىن قاراستىرۋدامىز. جالپى بارلىق ۇبت-داعى بارلىق جاڭا ۇدەرىستەر قوعام پىكىرىنىڭ نەگىزىندە جاساقتالادى.
وقىرمان: قازاقستاندا جوعارى سىنىپتاردىڭ وقۋ باعدارلامالارى اعىلشىن تىلىندە بولاما؟
مينيستر: مەملەكەت باسشىسى قازاقستاندا جوعارى سىنىپتاردىڭ جانە جوو-لاردىڭ وقۋ باعدارلامالارى اعىلشىن تىلىندە وقىتۋدى كەزەڭ-كەزەڭمەن كوشىرۋدى تاپسىردى. باستى ماقسات – دايىنداپ جاتقان ماماندارىمىزدىڭ باسەكەگە قابىلەتتىلىگىن ارتتىرۋ جانە ءبىلىم بەرۋ سەكتورىنىڭ ەكسپورتتىق الەۋەتىن ارتتىرۋ. وعان قوسا، قازاقستان رەسپۋبليكاسىنىڭ ءبىلىم بەرۋدى دامىتۋدىڭ 2011-2020 جىلدارعا ارنالعان مەمباعدارلاماسى ءبىزدىڭ الدىمىزعا جوعارى ءبىلىمنىڭ قۇرىلىمى مەن مازمۇنىن بولون پروسەسىنىڭ پارامەترلەرىنە سايكەستەندىرۋ ارقىلى جوعارى ءبىلىم بەرۋدىڭ ەۋروپالىق اۋماعىمەن ىقپالداستىرۋ بويىنشا ماقساتتاردى قويىپ وتىر.
وقىرمان: 12 جىلدىققا كوشۋدىڭ جاعىدايى تۋرالى نە ايتاسىز؟
مينيستر: قازاقستاندا 12 جىلدىق وقىتۋ جۇيەسى ءبىرىنشى سىنىپتارعا 2017-2018 جىلدارى ەنگىزىلەدى. 12 جىلدىق ءبىلىم بەرۋگە تولىقتاي 2020-2021 وقۋ جىلدارىندا ەنگىزۋ جوسپارلانعان. 12 جىلدىق مەكتەپتىڭ وقۋشىلارى جاڭا پاندەردى وقيدى، ءۇش تىلدە ەركىن سويلەپ، كەڭ اۋقىمدى بىلىمگە يە بولادى. بۇل ءوز كەزەگىندە وقۋشىلارعا ءوز ءبىلىمىن ومىردە قولدانۋعا، ءومىردىڭ كەز كەلگەن جاعدايلارىندا باسەكەگە قابىلەتتى بولۋعا سەپتىگىن تيگىزەدى. وسىعان بايلانىستى وتاندىق جانە شەتەلدىك تاجىريبەلەردىڭ نەگىزىندە 12 جىلدىق ءبىلىم بەرۋگە جاڭا وقۋلىقتار شىعارىلادى.
