2016 جىلدىڭ 14 قىركۇيەگى كۇنى ق ر ينۆەستيسيالار جانە دامۋ ءمينيسترى ج.قاسىمبەك قحر گونكونگ قالاسىنىڭ قارجى ماسەلەلەرى جونىندەگى حاتشىسى دجون سانگ باستاعان دەلەگاسيامەن كەزدەستى. گونكونگتان كەلگەن دەلەگاسيانىڭ نەگىزگى ماقساتى – قازاقستاننىڭ ينۆەستيسيالىق كليماتىمەن جانە ينۆەستيسيا سالۋعا بولاتىن جوبالارمەن تانىسۋ. 

ەكىجاقتى كەزدەسۋ بارىسىندا گونكونگتىق تاراپ قازاقستانعا كەلگەندەگى نەگىزگى جۇمىستارىن ايتىپ، الداعى جوسپارلارىمەن تانىستىردى. قازاقستاندىق تاراپ ەلىمىزدە ينۆەستيسيالىق كليماتتىڭ جاقسارعانى تۋرالى، ينۆەستورلارعا قولايلى جاعدايلار جاسالعانى جونىندە جانە ينۆەستورلاردىڭ قۇقىعىن قورعاۋدا قاتاڭ تالاپتار ازىرلەنگەنىن العا تارتتى. سونىمەن قاتار، ينۆەستيسيالىق جوبالاردى جۇزەگە اسىرۋ مۇمكىندىكتەرى تالقىلاندى.

ايتا كەتۋ كەرەك، قازاقستان رەسپۋبليكاسىنا گونكونگتان كەلگەن تىكەلەي شەتەلدىك ينۆەستيسيا 2005 جىلدان 2015 جىلعا دەيىنگى ارالىقتا 98،3 ملن. اقش دوللارىن قۇراعان. ال، قازاقستاننان گونكونگكا باعىتتالعان تىكەلەي ينۆەستيسيا ءدال وسى جىلدارى 107،1 ملن. اقش دوللارىنا تەڭ بولعان. 

كەزدەسۋگە قازاقستان تاراپىنان گونكونگ قالاسىنداعى قازاقستان رەسپۋبليكاسىنىڭ باس كونسۋلى انۋاربەك ارىنعازينوۆ، ق ر يدم ازاماتتىق اۆياسيا كوميتەتىنىڭ ءتوراعاسى بەكەن سەيداحمەتوۆ، ق ر يدم سىرتقى ەكونوميكالىق ىنتىماقتاستىق دەپارتامەنتىنىڭ ديرەكتورى گۇلدانا سادىقوۆا، ق ر يدم ينۆەستيسيا كوميتەتى ءتوراعاسىنىڭ ورىنباسارى قايرات قارمانوۆ، ق ر يدم يندۋستريا جانە تۋريزم دەپارتامەنتى ءتوراعاسىنىڭ ورىنباسارى تەمىرعالي تىرمىشيەۆ قاتىستى. ال، گونكونگ تاراپىنان «ءبىر بەلدەۋ، ءبىر جول» ستراتەگياسىن جۇزەگە اسىرۋ ماسەلەلەرى جونىندەگى ۋاكىل يۆوننا چوي، گونكونگ حالىقارالىق اربيتراجدى ورتالىق باسقارما ءتوراعاسى تەرەزا چەن سياقتى ونشاقتى بيزنەس وكىلدەر قاتىستى.