"كەشYOU" توبىنىڭ ءانشىسى اقبوتا سەيتماعامبەت ءوزىنىڭ جەكە ومىرىنە قاتىستى ەل اراسىندا تاراپ كەتكەن اڭگىمەلەردىڭ نۇكتەسىن قويدى. ءانشى «ءۇش بالاسى بار وتباسىن بۇزدى» دەگەندەرگە جاۋاپ بەردى، دەپ جازادى ستان. كز.

اقبوتا توپتا بيىلعى جىلدىڭ 31 جەلتوقسانىنا دەيىن ءان سالادى. بۇل تۋرالى ول Comode.kz باسىلىمىنا بەرگەن سۇحباتىندا ايتتى.

«توپتان كەتەتىنىم تۋرالى بايان ماقساتقىزىنا ۇزاق ۋاقىت بويى ايتا الماي ءجۇردىم، ويتكەنى ول شەتەلدە ەمدەلىپ جاتتى. مۇمكىندىك تۋا سالىسىمەن جەتكىزدىم. ول قاتتى تاڭىرقاپ قالدى، مەنى توپتان وسىلايشا تەز كەتەدى دەپ كۇتكەن جوق. ءبىراق بايان ماقسات قىزى دا ايەل. ول مەنى ءتۇسىنىپ، قولداۋ كورسەتتى. ول ءۇشىن وعان العىسىم شەكسىز. توپتا ىستەگەن جۇمىسىم مەن ءۇشىن باعا جەتپەس تاجىريبە بولدى. مەن تۋرالى نەشە ءتۇرلى سىبىستار تاراپ كەتتى. كەيبىرەۋلەر مەنىڭ «الاۋ» توبىنىڭ انشىسىنە تۇرمىسقا شىعاتىنىمدى ايتىپ ءجۇر. ءبىراق ول وتىرىك. «الاۋلىق» جىگىتتەرمەن دوستىق قارىم-قاتىناستامىز، ولاردى اعالارىمداي كورەمىن»، – دەپ اتاپ ءوتتى اقبوتا.

بۇدان بولەك، اقبوتا سەيتماعامبەت بولاشاق جارىنىڭ ەل ويلاعانداي داۋرەن ايدارقۇلوۆ ەمەس ەكەنىن مالىمدەدى. سونداي-اق، بولاشاق زايىبىنىڭ ونەر الەمىنە قاتىسى جوق ەكەنىنە سەندىردى. الايدا پروديۋسەر بايان ەسەنتايەۆا اقبوتانىڭ ءوز سۇيىكتىسىن «گلامۋر دليا دۋر» ءفيلمىنىڭ ءتۇسىرىلىم الاڭىندا جولىقتىرعانىن ايتقان ەدى.

ايتپاقشى جاستار ءالى نەكەلەسۋ كۇنىن بەلگىلەمەگەن. اقبوتانىڭ ايتۋىنشا، ۇيلەنۋ تويى جاز ايلارىنا قالدىرىلۋى مۇمكىن.