جاڭا جىلدان باستاپ كوممۋنالدى قىزمەت باعاسى كوتەرىلۋى مۇمكىن. ءبىر قاتار ايماقتا مونوپوليستەر ءانتيمونوپولدى مەكەمەلەرگە ءوتىنىش بەرىپ قويعان.

شەنەۋنىكتەر ولاردىڭ وتىنىشتەرىن ەندى قاراپ جاتىر. ءبىراق، جاڭا جىلدان باستاپ ونىڭ قاجەتتىلىگى بولمايدى. ۇكىمەت تاريفتى باقىلامايتىن بولدى. وسكەمەندە 800 كوپقاباتتى ۇيدە  جىلۋ 24% قىمباتتايدى. بۇل بارلىق ۇيگە ورتاق ەسەپتەۋشى قۇرالدى قويۋدان باس تارتقان تۇرعىندارعا قاتىستى. ولارعا 1 قاڭتاردان باستاپ سارالانعان تاريف ەنگىزىلەدى.

ءقازىر تاريف 1 شارشى مەترگە ورتا ەسەپپەن 53 تەڭگە بولسا، ءبىر جىلدا ءۇيدىڭ اۋماعىنا بايلانىستى 20 مىڭ تەڭگەگە دەيىن جەتۋى مۇمكىن.

قالا تۇرعىندارى ىستىق سۋعا بۇرىڭعىداي 1 تەكشە مەترگە 210 تەڭگە تولەيدى. سوندا ايىنا – 520 تەڭگە كەتەدى.

جاڭا جىلدان باستاپ ۇكىمەت مونوپوليستەر قىزمەتى باعاسىن رەتتەمەيدى. بۇل جاعدايدا  ەنەرگەتيكتەر ءانتيمونوپولدى مەكەمەلەردىڭ ماقۇلداۋىنا مۇقتاج بولمايدى.

ال قوستانايعا قىمباتشىلىق بۇرىندا جەتكەن. ازىرشە «قوستاناي-سۋ» كاسىپورنىنىڭ وتىنىشىنە ءانتيمونوپولدى مەكەمەدەن رەسمي جاۋاپ جوق. ولار سۋ مەن كارىز جۇيەسى قىزمەتىنىڭ  باعاسىن  24% قىمباتتاتۋدى سۇراپ وتىر. مەمكەمە اتالمىش ءوتىنىشىن، كرەديت تولەۋ كەرەكتىگىمەن ءتۇسىندىردى.

«بانك تاراپىنان كرەديت سومماسى 2،4 ملرد. تەڭگەنى قۇرايدى. جۇيەنى جوندەۋ جۇمىستارى وتە قىمبات تۇرادى. سۋ مەن كارىز جۇيەسى دە ابدەن ەسكىرگەن» دەيدى «قوستاناي-سۋ» كاسىپورنىنىڭ  ديرەكتور كەڭەسشىسى ارمان ءجۇنىسوۆ.

 باسقا دا كاسىپورىندار كوممۋنالدى قىزمەت باعاسىن كوتەرۋدى جوسپارلاپ وتىر. «قوستاناي-سۋ» باعانى قىمباتتاتسا، جىلۋ كومپانيالارى دا باعانى وسىرەتىنىن مالىمدەگەن.

ۇكىمەت تاريف باعاسىنا ارالاسپايتىندىعىن كۇزدە حابارلاعان بولاتىن. بۇل مەملەكەتتىڭ سۋ مەن جىلۋ جۇيەسىنە قارجى بولمەيتىندىگىمەن بايلانىستى.