اتىن جاريالاماعان رەسەيلىك ءبىر دارىگەر ruslekar.info سايتىنىڭ تىلشىسىنە بەرگەن سۇحباتىندا ءسابيدىڭ كىندىگىن تۋا سالا كەسۋگە مۇلدە بولمايتىنىن ايتادى. ونىڭ پايىمداۋىنشا، ءسابيدىڭ كىندىگى تۋعان سوڭ ءبىر ساعاتتان كەيىن عانا كەسىلۋى ءتيىس، دەيدى الاش ايناسىنىڭ ءتىلشىسى قالدار كومەكبايەۆ

«ويتكەنى، ءسابي تۋىلعاننان كەيىن ءبىر ساعاتتاي كىندىك ارقىلى تىنىس الۋى قاجەت. سول ۋاقىت ارالىعىندا ءسابي مۇرىنمەن دەم الۋعا بەيىمدەلىپ، وكپەسىنىڭ جۇمىسى قالىپتاسادى. كىندىكتى تۋا سالا كەسكەندە وكپە القىنادى. كىندىكتى كەسۋ - ونى كيسلورودتان ايىرۋ دەگەن ءسوز. ياعني تۋا سالا كىندىكتى كەسكەندە ءسابي تۇنشىعادى. ادامعا اۋا جەتپەگەندە قانداي جاعدايدا بولاتىنى، ايتپاسا دا، تۇسىنىكتى. ونداي كەزدە ءسابي كۇشپەن تەز-تەز تىنىس الۋعا ءماجبۇر بولادى. مۇرىن ارقىلى تىنىس الۋعا بەيىمدەلىپ ۇلگەرمەگەن وكپە دە، القىنىپ جۇمىس ىستەيدى. بۇل ءسابي دەنساۋلىعىنا كەرى اسەر ەتەدى. سونان سوڭ ءسابيدىڭ «سەرىگىندەگى» قان كىندىك ارقىلى بالاعا ءوتۋى ءتيىس. ول پروسەسس ءبىر ساعاتقا جۋىق جۇرەدى. ال تۋا سالا ءسابيدىڭ كىندىگى كەسىلگەندە بالاعا قاجەتتى قان بالانىڭ «سەرىگىندە» قالىپ قويادى. ال ءسابيدىڭ «سەرىگىندەگى» قان بالانىڭ تابيعي يممۋنيتەتى ءۇشىن اسا قاجەت. دەمەك، تۋا سالا كىندىگىن كەسۋ - ءسابيدىڭ يممۋنيتەتىن تومەندەتەدى. سوندىقتان بالانىڭ كىندىگىن تۋعان سوڭ ءبىر ساعاتتان كەيىن كەسۋ كەرەك. ال بۇگىنگى تاڭدا سابيلەر اراسىندا اۋرۋدىڭ كوپ بولۋ سەبەبىنىڭ ءبىرى وسىندا جاتىر» دەيدى بەلگىسىز دارىگەر.

بەلگىسىز دارىگەردىڭ ايتۋىنشا، تۋا سالا كىندىك كەسۋ - مەديسيناداعى بيزنەستى دامىتۋ ءۇشىن ءتيىمدى ءتاسىلدىڭ ءبىرى. ويتكەنى يممۋنيتەتى تومەن بالا اۋرۋشاڭ كەلەدى. ال اۋىرعان بالاعا دارى-دارمەك قاجەت. ناۋقاس قانشا كوپ بولسا، ءدارى ساۋداسى سونشا جاقسى داميدى. «بۇگىنگى كۇندە دارىگەرلەر بىلىپ-بىلمەي، وسىلاي بيزنەسكە قولعابىس جاساپ وتىر» دەيدى بەلگىسىز مامان.

جاڭا تۋعان ءسابيدىڭ كىندىگى مەن «سەرىگى» بيزنەس كوزى

بەلگىسىز دارىگەردىڭ ايتۋىنشا، جاڭا تۋعان ءسابيدىڭ كىندىگى مەن «سەرىگىن» اسا قىمبات مەديسينالىق جانە كوسمەتولوگيالىق ءونىم وندىرۋدە پايدالاناتىن كورىنەدى. ماماننىڭ ايتۋىنشا، بۇل مەديسينالىق جانە كوسمەتولوگيالىق ءوندىرىس ءۇشىن تەگىن شيكىزات، ياعني پايدانىڭ كوزى. «سوندىقتان مەديسينالىق بيزنەستىڭ باسىندا تۇرعاندار ءسابيدىڭ كىندىگىن تۋا سالا كەسۋگە تاپسىرىس بەرىپ وتىر» دەيدى قۇپيا مامان.

رەسەيلىك ماماننىڭ ايتۋىنا قاراعاندا، بۇل جايدان قاتارداعى اكۋشەر-گەنيكولگ دىرىگەرلەر حابارسىز. «ويتكەنى ولاردى سولاي وقىتىپ وتىر. ولار جاڭا تۋعان ءسابيدىڭ كىندىگى مەن «سەرىگى» قايدا كەتىپ جاتقانىنان بەيحابار» دەيدى بەلگىسىز دارىگەر.

ءبىزدىڭ دارىگەرلەر نە دەيدى؟

وسى ماسەلەگە قاتىستى جاۋاپ الۋ ماقساتىندا بىرنەشە دارىگەرگە حابارلاستىق. الايدا ءبىزدىڭ ماماندار بۇل ماسەلەگە قاتىستى پىكىر بىلدىرە المايتىندارىن ايتتى. دەسە دە، اتىن جاريالاماۋدى وتىنگەن ءبىر دارىگەرىمىز بۇل ساۋالعا قاتىستى پىكىرىن ءبىلدىردى. ونىڭ ايتۋىنا قاراعاندا، ەشبىر مەملەكەتتە بالانىڭ كىندىگىن ءبىر ساعاتتان كەيىن كەسپەيدى. تۋا سالا ءسابيدىڭ كىندىگىن كەسۋ الەمدىك مەديسينادا قالىپتاسقان ءۇردىس. «اۋىرمايتىن بالا بولمايدى. ال، قازىرگى كەزدە بالالاردىڭ ءجيى ناۋقاسقا شالدىعۋىن بالانىڭ كىندىگىن تۋا سالا كەسۋمەن بايلانىستىرۋ دۇرىس ەمەس. بۇل كوپ جاعدايدا انالاردىڭ جۇكتىلىك كەزىندە دۇرىس كۇتىنبەۋىمەن، بالا كۇتىمىنە سالعىرت قاراۋمەن بايلانىستى. سونان سوڭ، «بالانىڭ سەرىگىن مەديسينالىق جانە كوسمەتولوگيالىق ءونىم وندىرۋدە پايدالانادى» دەگەن ءتىپتى قيسىنسىز» دەيدى مامان.

دەسە دە، «رەسەيلىك دارىگەردىڭ مۇنداي ماسەلە كوتەرۋىنە نە سەبەپ؟ نەلىكتەن ءبىزدىڭ دارىگەر بۇل ماسەلەگە قاتىستى جاۋاپ بەرگىلەرى كەلمەيدى؟» دەگەن ساۋال كوكەيدە قالدى. ەگەر وسى سالانىڭ ماماندارى وسى ماسەلەگە قاتىستى ناقتى پىكىر جازسا، قۇبا-قۇپ بولار ەدى.