ارگەنتيكالىق وتباسى سۇيىكتى ءيتى قايتىس بولعاننان كەيىن جانۋاردىڭ گەنەتيكالىق كوشىرمەسىن جاساپ، ونى كلونداعان دەپ حابارلايدى ria.ru.
ەنتوني ەسىمدى يت 17 جاسىندا كارىلىكتەن قايتىس بولعان. الايدا Biocan عالىمدارى ودان الىنعان گەنەتيكالىق ماتەريالدار ارقىلى جاڭا جانۋاردى جاساپ شىعاردى. مۇنداي قىزمەتكە ارگەنتيكالىق وتباسى 60-100 مىڭ دوللارعا شىعىنداندى.
ولگەن ءيتتىڭ كلونى شىلدە ايىندا پايدا بولعان. ءبىراق، كلونداۋ ءساتتى شىققانى تۋرالى رەسمي اقپارات ءقازىر عانا جاريالاندى. كوشىرمە جاساۋ ءراسىمى كۇردەلى بولدى جانە ءارتۇرلى ەلدەردە بىرنەشە كەزەڭنەن وتكەن. ونىڭ ىشىندە گەنەتيكالىق ماتەريالداردان الىنعان تىرشىلىككە بەيىم كلەتكولاردى تاڭداعان وڭتۇستىك كورەادا بار.
العاش رەت جانۋارلاردى 1996 جىلى كلونداعان. ول كەزدە دورسەت تۇقىمدى قويدى جاساپ شىعاردى. ونى دوللي دەپ اتادى. 2003 جىلى الەمگە ايگىلى قويدى ولتىرۋگە تۋرا كەلدى. سەبەبى ونىڭ وكپەسىندە ۆيرۋستاردىڭ كەسىرىنەن وكپە راگى پايدا بولعان. ول كەزدە دوللي 6،5 جاستا ەدى. ول 6 رەت تولدەپ ۇلگەردى.
