باس پروكۋراتۋرادا مايرا رىسمانوۆانىڭ بالاسى ەربول احمەتوۆتىڭ ءىسىن قايتا قاراۋعا ارەكەت ەتۋدە دەپ حابارلايدى informburo.kz.

«احمەتوۆتىڭ ءىسى ءبىر اپتا بۇرىن ءتۇستى. سوت شەشىمىن جويۋ تۋرالى قارسىلىقتار دايىندالىپ جاتىر. احمەتوۆتى تۇتقىنداعان شۋ اۋداندىق ىشكى ىستەر باسقارماسىنىڭ جەدەل ۋاكىلى ەرلان جەلدەشوۆكە قاتىستى قىلمىستىق ءىس ەكى باپ بويىنشا جىبەرىلدى. ولار – قىزمەتىن اسىرا پايدالانۋ جانە ۇرىپ-سوعۋ ارەكەتتەرى، ۇرۋ بابى بويىنشا ول اقتالىپ شىققان» دەدى باس پروكۋراتۋرانىڭ ۋاكىلى ەرجان عالەيەۆ.

 ونىڭ سوزىنشە جامبىل وبلىستىق پروكۋراتۋرا ونىڭ ىس-ارەكەتىن «كۇش كورسەتۋ» بابىنا اۋىستىرۋعا قارسىلىق ءبىلدىردى. سوت بۇدان بۇرىن جەلدەشوۆكە قاتىستى بوستاندىعىن شەكتەۋ تۋرالى شەشىم قابىلداعان.

«ءقازىر بۇل شەشىمدى جويۋعا قارسىلىق ەنگىزىلىپ، باس بوستاندىعىنان ايىرۋ تۋرالى شەشىم قابىلدانباق. 26 جەلتوقساندا ءىس قارالادى» دەپ ءتۇسىندىردى عالەيەۆ.

ەربولدىڭ اناسى مايرا رىسمانوۆا بالاسىنىڭ ءىسى قايتا قارالىپ جاتقانىن حاباردار بولعانىن دا ايتتى.

ال مايرا رىسمانوۆانىڭ قىزى اقمارال باس پروكۋرور جاقىپ اسانوۆپەن كەزدەسۋدى تالاپ ەتتى. ول دا اناسى سەكىلدى وزىنە قول جۇمسايتىنىن ايتتى.

«كىم شىعادى؟! كىم جاۋاپ بەرەدى؟! ەندى قانشا ادام ادىلتتىلىك ءۇشىن ءوزىن ورتەيتىن بولادى؟ مەن دە ءوزىمدى ورتەپ جىبەرەمىن، انت ەتەمىن! انام دۇنيەدەن وزدى. بۇل دۇنيەدە مەنى ەشتەڭە ۇستاپ تۇرعان جوق. ونىڭ ارتىنان مەن دە كەتەمىن» دەپ تالىپ قالدى.

قاۋىپسىزدىك قىزمەتىنىڭ قىزمەتكەرلەرى اقمارالدى كوتەرىپ الىپ، باقىلاۋ پۋنكتىنە كىرگىزدى. دارىگەرلەر مەديسينالىق كومەك كورسەتتى.