مونۋمەنت تولە بي داڭعىلى مەن ءال-فارابي كوشەلەرىنىڭ قيىلىسىندا ورنالاسقان. مونۋمەنتتىڭ سالتاناتتى اشىلۋىنا وبلىس باسشىسى كارىم كوكىرەكبايەۆ، شىعارماشىلىق تۇلعالار، ارداگەرلەر مەن جاستار جينالدى. اتالعان شارا بارىسىندا وبلىس باسشىسى مونۋمەنتكە گۇل شوقتارىن قويىپ، كوپشىلىكتى الداعى كەلە جاتقان تاۋەلسىزدىك مەرەكەسىمەن قۇتتىقتادى.

«بۇل – تاۋەلسىزدىكتىڭ نىشانى، ۇرپاقتان-ۇرپاققا، عاسىردان-عاسىرعا جالعاساتىن نىشان. مونۋمەنتتىڭ جوعارعى جاعىندا «قازاقستان-2050» ستراتەگياسىنىڭ بەلگىسى قويىلعان. تاۋەلسىزدىك – ءبىزدىڭ جاقسى ءومىرىمىزدىڭ نەگىزى. ۇلت باسشىسىنىڭ باسشىلىعىمەن ءبىزدىڭ ەل الەۋمەتتىك-ەكونوميكالىق جانە ساياسي قيىندىقتاردى جەڭە ءبىلدى، جانە 50 دامىعان ەلدىڭ قاتارىنا ەندى»، - دەپ اتاپ ءوتتى وبلىس اكىمى.

جاڭادان اشىلىپ، تاراز قالاسىنا ەرەكشە كورىك بەرىپ تۇرعان بۇل مونۋمەنتتىڭ بيىكتىگى 14 مەتر، جوعارى جاعىندا «قازاقستان-2050» ستراتەگياسىنىڭ بەلگىسى ورنالاستىرىلعان. ال ەڭ توبەسىندە قازاقتىڭ قاسيەتتى شاڭىراعى بەلگىلەنگەن.