يران پرەزيدەنتى ايماقتىق ساپارىنىڭ جاڭا كەزەڭىندە ارمەنيا، قازاقستان جانە قىرعىزستان ەلدەرىنە ساپار شەگەدى دەپ حابارلايدى parstoday.com.

يران پرەزيدەنتىنىڭ اقپارات تاراتۋ كەڭسەسى باسشىسىنىڭ ورىنباسارى پارۆيز يسمايلي جەكسەنبى كۇنى يران تەلەراديو بىرلەستىگىنە بەرگەن سۇحباتىندا: «يير پرەزيدەنتى حاسان رۋحاني كورشىلەس جانە ايماق ەلدەرىمەن قارىم-قاتىناستارىن نىعايتۋ جانە ىنتىماقتاستىعىن تەرەڭدەتۋ ساياساتىن جالعاستىرۋ ماقساتىندا ارمەنيا پرەزيدەنتىنىڭ رەسمي شاقىرۋىمەن سارسەنبى كۇنى جيىرما ءبىرىنشى جەلتوقساندا وسى ەلدىڭ استاناسى ەريەۆان قالاسىنا ساپار شەگەدى.

ودان كەيىن يران پرەزيدەنتى قازاقستاننىڭ ەلورداسى استاناعا ساپار شەگەدى. اتالمىش ساپار بارىسىندا ەكى ەل باسشىلارىنىڭ سۇحباتتاسۋىمەن قاتار، جوعارى لاۋازىمدى دەلەگاسيالار وتىرىسى، ىنتىماقتاستىق جونىندەگى مەموراندۋمدارعا قول قويۋ راسىمدەرى جانە يران پرەزيدەنتىنىڭ باسپا ءسوز كونفەرەنسياسى وتكىزىلەدى»، دەدى.

يران پرەزيدەنتىنىڭ اقپارات تاراتۋ كەڭسەسى باسشىسىنىڭ ورىنباسارى ءرۋحانيدىڭ ايماقتىق ساپارىنىڭ قىرعىزستانعا ساپارمەن اياقتالاتىنىن ايتىپ: «ءرۋحانيدىڭ بىشكەككە ساپارىنىڭ باعدارلاماسى بويىنشا قىرعىزستان پرەزيدەنتىمەن كەزدەسۋ، ءتۇرلى سالالارداعى بىرنەشە ىنتىماقتاستىق مەموراندۋمىنا قول قويۋ، ەكونوميكا بەلسەندىلەرىنىڭ ورتاق كەڭەسى مەن ورتاق باسپا ءسوز كونفەرەنسياسىن وتكىزۋ جوسپارلانعان»، - دەدى.