نەپال پوليسياسى 15 جاسار قىزدىڭ ءولىمىن تەكسەرىپ جاتىر. ونى ەتەككىر كەلگەنى ءۇشىن ۋاقىتشا ۇيدەن شىعارىپ، اۋا از كىرەتىن قوراعا كوشىرگەن دەپ حابارلايدى bbc.com.

پوليسەيلەردىڭ ايتۋىنشا، روشاني تيرۋۆا جىلىنۋ ءۇشىن وت جاعىپ، تۇنشىعىپ قايتىس بولدى. قىزدىڭ دەنەسىن وتكەن دەمالىستا اكەسى تاپقان. وقيعا كاتماندۋدان 440 شاقىرىم جەردە ورنالاسقان اچحام اۋدانىنداعى كىشكەنتاي اۋىلدا بولعان.

ەجەلگى ءۇندى ءداستۇرى بويىنشا، ايەلدەر ەتەككىر كەزىندە جانە جاڭادان بوسانعاندا «تازا ەمەس» بولىپ ەسەپتەلەدى.

نەپال ۇكىمەتى 2005 جىلى وعان زاڭ تۇرىندە تيىم سالعان. الايدا، كەيبىر قاۋىمداردا ءالى كۇنگە دەيىن اتالمىش ءداستۇردى جالعاستىرىپ كەلەدى.

جەرگىلىكتى تۇرعىنداردىڭ ويىنشا، ايەلگە ەتەككىر كەلگەن ۋاقىتتا ۇيدەن كوشىرىپ جىبەرمەسە، اۋىلدا باقىتسىزدىق ورنايدى. ماسەلەن، تابيعي اپات.

قوعامنان ۋاقىتشا وقشاۋلانعان ايەلدەرگە ادەتتەگى تاماق بەرمەيدى جانە ءسۇت ىشۋگە تيىم سالادى. قىزدار مەن ايەلدەردى مالمەن بىرگە ۇيىقتاۋعا ماجبۇرلەيتىن جاعدايلار بولعان. كەيدە ءتىپتى اۋىلدان شىعارىپ جىبەرىپ وتىرعان.

ايەلدەر كوبىنە قىستا مۇزداپ، جازدا ىستىقتان جاپا شەگەدى. ول ەگدە جاسقا جەتكەندە پسيحيكالىق اۋرۋلارعا شالدىقتىرادى ەكەن.