ءتورت سالماق دارەجەسىندەگى بۇرىڭعى الەم چەمپيونى روي دجونس 2016 جىلى ريودا وتكەن وليمپيادا دا  ۆاسيليي ليەۆيت پەن رەسەيلىك ەۆگەنيي تيششەنكونىڭ جەكپە-جەگىنە قاتىستى ءوز پىكىرىن ءبىلدىردى.

«2016 جىلى الەم بويىنشا سپورتتا جەمقورلىقپەن بەتپە-بەت كەلىپ وتىرعانىمىز ۇيات! نەلىكتەن بىلاي، تۇسىنبەيمىن. ەگەر قاتەلىك جاساساڭ ونى تۇزەتىپ، كەشىرىم سۇراۋ قاجەت. ال ەگەر قاتەلىگىڭدى مويىنداۋعا جىگەرىڭ جەتپەسە، بارلىق سپورتتىڭ قۇنىن ءتۇسىرىپ الاسىڭ» دەيدى روي دجونس.

ريودا وتكەن 2016 جىلعى وليمپيادا ويىندارىندا سوت شەشىمى بويىنشا قازاقستاندىق ۆاسيليي ليەۆيت التىن مەدال الا الماي قالعان بولاتىن.

ەستەرىڭىزگە سالا كەتەيىك امەريكاندىق كاسىبي بوكسەر كىشى روي دجونس قازاقستانعا كەلدى. بۇل سپورتشىنىڭ ەلىمىزگە ەكىنشى رەت كەلۋى.  استاناعا قاراپايىم پوەزدبەن بارىپ، «قازاقستاندا ساياحاتتاۋ سپورتشى دەنساۋلىعى ءۇشىن ءقاۋىپتى» دەگەن ەدى دەپ حابارلايدى sports.kz.

بوكسەردى بارىنەن بۇرىن قازاقستاندىقتاردىڭ قوناقجايلىلىعى تاڭ قالدىرىپ، تاماقتارىنىڭ دامدىلگىنە قايران قالىپتى.  

«سىزدەردىڭ استارىڭىز وتە ءدامدى. ماعان بەشبارماق ۇنايدى» دەيدى سپورتشى. كىشى روي دجونس قازاقستان تۋرالى گەناديي گولوۆكين ارقىلى بىلگەن ەكەن.

«گولوۆكيننىڭ ارقاسىندا قازاقستاندى جانە قازاقستاندا گەناديي گولوۆكين سەكىلدى مىقتى بوكسەر بار ەكەنىن بارلىق امەريكاندىقتار بىلەدى».

گولوۆكيننىڭ جەكپە-جەگى تۋرالى اڭگىمە ايتىلا باستاعاندا ازداپ ۇيقىسى قانباعان بوكسشى جاندانا ءتۇستى. ول قازاقستاندىق بوكسشىنىڭ جەكپە-جەگىن باقىلاپ جۇرەتىنى بەلگىلى بولدى.

روي دجونس گەناديي گولوۆكين مەن كانەلونىڭ 2017 جىلى نيۋ-يوركتە وتەتىن جەكپە-جەگى تۋرالى ويىن دا ايتىپ بەردى.

«كانەلو جۇدىرىقتاسقانداردىڭ بارلىعى بوكستاعى سالماقتى سپورتشىلار. ول ءوز كاسىبي جولىن مىقتى قارسىلاستاردى جەڭۋمەن باستادى. گەناديي ونداي اتى شۋلى بوكسەرلەرمەن جۇدىرىقتاسپادى. سەبەبى ولار گولوۆكيننەن قورقادى. سوندىقتان ەكەۋىنىڭ اتاعى مەن لاۋازىمىندا ايىرماشىلىقتار بار» دەدى بوكسەر.